Jonathan Hargreaves, ambasadori i Mbretërisë së Bashkuar në Kosovë, ka pritur përfaqësues të bizneseve britanike në vend, ku u diskutua për mundësitë e zhvillimit të tregtisë dhe rritjes së investimeve në sektorët kyç ekonomik.
Në një postim në Facebook, ambasadori Hargreaves theksoi kënaqësinë për prezencën e bizneseve të Mbretërisë së Bashkuar në Kosovë dhe bashkëpunimin e vazhdueshëm në fushën e tregtisë dhe investimeve.
“Diskutuam mënyrat se si Ambasada mund të jetë një partner edhe më i fortë dhe ndamë ide për të nxitur tregtinë, investimet dhe bashkëpunimin në sektorët kyç. Së bashku po ndërtojmë një partneritet ekonomik dinamik, që hap dyer të reja për rritje, inovacion dhe sukses të përbashkët,” shkroi ambasadori.
Mundesh me e lexu edhe...
Takimi nënvizon angazhimin e dy vendeve për të forcuar marrëdhëniet ekonomike dhe për të krijuar mundësi të reja për bizneset dhe investitorët./Katror.info
