Hëna është bërë e kuqe në një ngjarje të njohur si “Hëna e përgjakur” pas një eklipsi hënor – i cili ishte pjesërisht i dukshëm në Mbretërinë e Bashkuar pak para agimit të së premtes.
Në Mbretërinë e Bashkuar, Hëna ishte vendosur nën horizont në kohën e eklipsit të plotë hënor në mëngjes, kështu që vetëm një eklips i pjesshëm hënor ishte i dukshëm dhe një pjesë, dhe jo e gjithë, e Hënës dukej e kuqe.
Por eklipsi i plotë hënor ishte i dukshëm për njerëzit në Amerikën Veriore dhe Jugore dhe nga atje u publikuan fotografi spektakolare, shkruan skynews, përcjell Telegrafi.
Mundesh me e lexu edhe…
Bëhet e ditur se Hëna u errësua ndërsa u zhvendos në hijen e Tokës dhe përfundimisht u shfaq e kuqe, prandaj vjen edhe pseudonimi “Hëna e përgjakur”.
Dielli, Toka dhe Hëna janë pothuajse, dhe jo plotësisht, në një linjë gjatë një eklipsi të pjesshëm hënor, duke krijuar një pjesë të errët në Hënë.
Një Hënë e përgjakur është një fenomen që ndodh vetëm disa herë në vit.
Eklipsi i fundit total hënor ishte në maj 2022 kur Hëna u bë plotësisht e kuqe./Katror.info
Përgatiti:
