Me kalimin e viteve, tabela në hyrje të stadiumit të Liverpoolit, me mbishkrimin “This is Anfield” është kthyer në një simbol të klubit të famshëm dhe historia se si u krijua është veçanërisht e pabesueshme.
Shenja “This is Anfield” ka zbukuruar shtëpinë e Liverpoolit për një kohë të gjatë dhe futbollistët e kanë traditë të prekin shenjën përpara se të vrapojnë në stadiumin ikonik.
Fundjavën e kaluar, ajo u prek nga Wout Weghorst teksa luante për rivalin Manchester United, duke shkaktuar zhgënjim tek fansat e tij, shkruan Telegrafi.
Mundesh me e lexu edhe…
Për shkak të kësaj, tabela “This is Anfield” është sërish viral dhe aktual në mediat angleze. Kjo është edhe arsyeja që shumë media kujtojnë se si u krijua kjo.
Pllaka në stadiumin ikonik u vendos në epokën e trajnerit legjendar Bill Shankley, por nuk ishte ideja e tij.
“Shankleyt në fakt iu rekomandua logo nga një punëtor në stadium, i cili bënte punë të kujdestarisë”, zbuloi Danny Dwyer, udhërrëfyes i stadiumit të Liverpool FC.
Qëllimi i tabelës ishte që t’u kujtonte futbollistëve se për cilin klub luajnë, kë përfaqësojnë dhe për t’i bërë të ditur kundërshtarit se me kë po luajnë dhe nga kanë ardhur.
Shenja e parë ishte “Welcome to Anfield”, përpara se Shankly të ndërhynte dhe të ndryshonte emrin në “This is Anfield”.
Gjëja më e pabesueshme është se janë bërë dy kopje të kësaj logo dhe ajo, e para, përdoret edhe sot në një restorant në Isle of Man. Pas kësaj, pllaka e dytë u krijua në epokën e Bob Paisley në 1974 dhe zgjati 24 vjet në Anfield.
Nuk ishte atje për një kohë, dhe më pas u instalua përsëri në epokën e Brendan Rodgers në 2012. Thashethemet thonë se Rodgers e gjeti atë në depo, pasi u emërua menaxher i Liverpoolit dhe lindi me idenë për ta ngritur atë.
“Kur vjen në klub, duhet të kesh një ndjenjë për të kaluarën, një ndjenjë të së tashmes dhe një ndjenjë të së ardhmes. Thjesht ndjeva se kjo ishte një shenjë dhe një simbol i asaj që Liverpool kishte qenë për shumë vite. Shenja u hoq në vitin 1998, por ishte aty, që nga viti 1974. Ajo periudhë suksesi ishte fenomenale”, ka thënë Rodgers.
Kur Jurgen Klopp mbërriti në klub në vitin 2015, ai vendosi tua ndalonte lojtarëve të tij që të preknin shenjën derisa të fitonin trofe./Katror.info
Përgatiti:
