Për herë të parë, Kosova do të marrë pjesë në Forumin Ekonomik Botëror të Davosit, duke prezantuar veten përmes iniciativës “Kosova House”, për të cilën Qeveria e Kosovës ka ndarë 350 mijë euro.
Sipas njoftimit në Facebook, “House of Kosova” shënon një moment historik të rëndësishëm për praninë globale të Kosovës, ku do të debutojë më 21 deri 23 janar 2025 gjatë Forumit Ekonomik Botëror 2025 në Davos.
“The House” do të shërbejë si një platformë për t’u përfshirë në diskutime rreth sfidave dhe mundësive që i japin formë botës sonë. Vizitorët do të kenë mundësinë të përjetojnë artin, kulturën dhe kuzhinën e Kosovës, duke eksploruar gjithashtu mundësitë e biznesit dhe investimeve,” thuhet në njoftim.
Mundesh me e lexu edhe…
“Me 500 metra katror hapësirë ekspozite, Shtëpia e Kosovës do të ofrojë një mjedis ideal për reflektim kuptimplotë mbi çështjet më të fundit dhe për promovimin e bashkëpunimit ndërkombëtar. Udhëheqësit e mendimit me famë botërore, novatorët dhe vizionarët do të marrin pjesë në panele dhe biseda pranë zjarrit mbi tema kryesore globale, si p.sh:
- Inteligjenca Artificiale: Dimensionet etike, sociale dhe politike të Epokës Inteligjente
- Energjia dhe Transporti: Inovacion për një të ardhme të qëndrueshme
- Gjeopolitika: Bashkëpunimi për sfidat globale
- Siguria Ushqimore: Adresimi i sfidave të ushqimit në një botë në ndryshim
- Prodhimi: Strategjitë për ekonominë globale”, thuhet në njoftim.
Forumi Ekonomik Botëror, i njohur si Forumi i Davosit, është një platformë prestigjioze që bashkon liderë globalë, përfaqësues të korporatave ndërkombëtare, ekspertë ekonomikë dhe akterë të shoqërisë civile për të adresuar çështje kyçe globale. Përmes “Kosova House,” Kosova synon të shfaqë potencialin e saj ekonomik, trashëgiminë kulturore dhe pozitën strategjike si një shtet i ri me ambicie në arenën ndërkombëtare. /Katror.info
Përgatiti:
