Nga sot hyn në fuqi vendimi i Ministrisë së Infrastrukturës ku ndalohet qarkullimin në autoudhë, rrugë nacionale dhe rajonale për të gjitha automjetet e transportit të mallrave me peshë më të madhe se 7.5T.
Ky vendim u mor për shkak të motit të nxehtë.
“Të dashur qytetarë, Bazuar në rekomandimet e Departamentit për Menaxhimin e Rrugëve dhe Policisë së Kosovës, me qëllim të ruajtjes së rrugëve nga dëmtimet si rezultat i temperaturave të larta kemi marrë vendim: Ndalohet qarkullimi në autoudhë, rrugë nacionale dhe rajonale për të gjitha automjetet e transportit të mallrave me peshë më të madhe se 7.5T”, ka njoftuar zv.ministri Hysen Durimishi.
Mundesh me e lexu edhe...
Në postimin e bërë në Facebook, Durmishi thotë se ky vendim vlen nga data 14 korrik 2024 deri më 31 korrik 2024 për periudhën nga ora 11:00 deri në ora 17:00.
Ndryshe, temperatura të larta kanë përfshirë vendin tonë, ekspertët shëndetësorë kanë bërë thirrje që qytetarët të kenë kujdes dhe mos të ekspozohen në diell./Katror.info
Përgatiti:
