I thanë nuk do të pranohej kurrë në Kembrixh, aplikoi si për shaka dhe u pranua

Callum Stevens, nga Boltoni, tani po studion në Kembrixh pavarësisht të gjitha parashikimeve paraprake. Ai mori mbështetje të vlefshme nga kompania e teknologjisë së lëvizshmërisë sociale Zero Gravity.

Një adoleshent, të cilit iu tha se nuk kishte asnjë mundësi për të shkuar në Kembrixh për shkak të historisë së tij, tani po studion drejtësi në universitetin prestigjioz.

Callum Stevens, 20 vjeç, nga Boltoni, Mançester, vinte nga një familje me një prind pasi nëna e tij, Maria, e lindi atë kur ishte vetëm 16 vjeç.

Edhe pse gjasat ishin të vogla që të pranohej, studenti i përkushtuar arriti të fitonte një vend në një nga universitetet më prestigjioze në botë falë një skeme mentorimi.

20-vjeçari shpjegoi se nuk do të ndrërronte kurrë vendin ku u rrit, pasi aty mori mësime të rëndësishme jetësore.

Duke folur për Metro, ai tha: “Unë kurrë nuk do të ndryshoja vendin nga vij, ekziston një shoqëri e vërtetë dhe besoj plotësisht se një edukim i tillë do t’ju mësojë gjëra që arsimi formal nuk do t’i bëjë kurrë.

Në shkollën shtetërore të Callum, 50 për qind e nxënësve kishin të drejtë për ushqim falas në shkollë dhe vetëm 30 për qind e nxënësve arritën të marrin notën 5 ose më lart në anglisht ose matematikë.

Si i tillë, ai thotë se mësuesit e tij nuk e prisnin kurrë që ai të aplikonte për një universitet kaq elitar – veçanërisht pasi nëna ose gjyshja e tij nuk vazhduan arsimin e lartë.

Ai tha: “Kur isha në shkollë thuhej shpesh se “njerëz si ju nuk shkojnë në vende si Kembrixh”, kështu që vendosa të aplikoj si shaka në fillim.

“Komentet nuk ishin vetëm dëshpëruese, por të vështira për t’u përbirë pasi nuk vinin për shkak të armiqësisë, por për shkak të dezinformatave.”

Callum fitoi një përvojë pune në një firmë ligjore në vitin e dhjetë, gjë që ndezi pasionin e tij për ligjin.

Më pas ai u transferua në Kolegjin e Kryqit të Shenjtë në Bury me një rrjet të ri mbështetës dhe falë kontributit nga kompania e teknologjisë së lëvizshmërisë sociale Zero Gravity.

Duke qenë se Callum nuk e shihte Kembrixhin si një ‘opsion serioz’, ai aplikoi për disa universitete të tjera.

Megjithatë, ai siguroi vendin e tij në Kolegjin e Krishtit me notën A plus në Drejtësi, Letërsi Angleze dhe Matematikë.

Ndërsa aplikoi për Kembrixh, Callum mori ndihmë gjatë procesit përmes mentores së tij një Zero Gravity, Annabelle, e cila kishte diplomuar së fundmi në drejtësi. /Katror.info