Një imazh mahnitës i planetit gjigant të akullt Uran të sistemit tonë diellor është kapur nga teleskopi hapësinor James Webb, i zhvilluar nga NASA, Agjencia Evropiane e Hapësirës (ESA) dhe Agjencia Kanadeze e Hapësirës (CSA).
Imazhi i ri tregon unazat e tij mbresëlënëse. Urani ka 13 unaza të njohura, 11 prej të cilave janë të dukshme në këto imazhe. Midis tyre janë dy unaza më të zbehta pluhuri që janë fotografuar vetëm dy herë, nga anija kozmike Voyager 2 që fluturoi pranë planetit në 1986 dhe nga Observatori Keck në Hawaii me optikë të avancuar adaptive, transmeton Katror.info.
Urani, planeti i shtatë në Sistemin Diellor, është unik: ai rrotullohet anash, në një kënd prej gati 90 gradë nga rrafshi i orbitës së tij. Kjo shkakton stinë ekstreme, pasi polet e tij përjetojnë shumë vite rrezet e diellit të vazhdueshme, të ndjekura nga një numër i barabartë vitesh errësirë të plotë. Aktualisht, është fundi i pranverës në polin verior, ndërsa vera në polin verior do të jetë në vitin 2028. Në kohën kur Voyager 2 vizitoi Uranin ishte verë në polin jugor, tani është vera në anën e errët të planeti, raporton Abcnews.
Mundesh me e lexu edhe…
Check out the polar cap (bright white area) on the right side! Webb reveals, for the first time, a subtle enhanced brightening at its center. This polar cap appears in the direct sunlight of summer and vanishes in the fall. Webb’s data will help us to understand this mystery. pic.twitter.com/OJuBUpcsiD— NASA Webb Telescope (@NASAWebb) April 6, 2023
Në imazhet e James Webb, planeti duket më i detajuar, duke demonstruar se sa dinamike është atmosfera e Uranit. Në anën e djathtë të planetit është një zonë shkëlqimi në polin me pamje nga Dielli i njohur si “kapaku polar” kjo shfaqet kur poli hyn në rrezet e diellit direkte në verë dhe zhduket në vjeshtë. Të dhënat e regjistruara nga teleskopi hapësinor do t’i ndihmojnë shkencëtarët të kuptojnë mekanizmin aktualisht misterioz që qëndron pas kësaj veçorie.
James Webb gjithashtu fotografoi shumë nga 27 hënat e njohura të Uranit. /Katror.info
Përgatiti:
