Indianët sapo kanë pushtuar Polin e Jugut të Hënës, kur zbarkuan roverin Vikram në sipërfaqen hënore më 23 gusht dhe caktuan nisjen e anijes drejt Diellit më 2 shtator, raportoi LiveScience.
Organizata Indiane e Kërkimeve Hapësinore (ISRO) ka publikuar foto të anijes kozmike që do të fluturojë drejt Diellit si pjesë e misionit Aditya-L1 (Dielli në Sanskritisht), i cili tashmë ka arritur në pikën e nisjes në ishullin Sriharikota.
“Lansimi i Aditya-L1, observatori i parë diellor i Indisë, është planifikuar për në orën 11:50 të mëngjesit të 2 shtatorit 2023 nga Srirakota,” njoftoi ISRO në Platformën X (ish Twitter).
Mundesh me e lexu edhe…
Megjithëse shumë misione nga vende të tjera kanë studiuar tashmë yllin tonë më të afërt, shkencëtarët janë ende në mëdyshje se si shtresa e jashtme e atmosferës, e njohur si korona, është më e nxehtë (deri në 1 milion gradë) se sipërfaqja. Studiuesit dinë pak për atë që ndodh në Diell përpara se ai të lëshojë flakë diellore ose shpërthime diellore koronale, dhe se si ato arrijnë shpejtësi të mëdha. Shkencëtarët shpresojnë se observatori Aditya-L1 do të ndihmojë në zbulimin e disa prej këtyre mistereve.
Observatori duhet të arrijë rreth 1.5 milion kilometra nga Toka, nga ku do të ketë një pamje të drejtpërdrejtë të Diellit. Nga shtatë instrumentet në bord, katër janë të dedikuara për vëzhgimin e drejtpërdrejtë të aktivitetit diellor. Dy pajisje janë spektrometra me rreze X që përdoren për të studiuar ndezjet diellore, njëra është një koronografi që do të regjistrojë vazhdimisht Diellin dhe njëra përdoret për të matur rrezatimin. Nga tre pajisjet e mbetura, dy përdoren për të studiuar erërat diellore, dhe një është magnetometër që mat fushën magnetike.
Aditya-L1 kushton 45 milionë dollarë dhe ka 15 vjet që po punohet. Nëse gjithçka shkon mirë, ky do të jetë lansimi i dytë i madh i ISRO këtë vit. /Katror.info
Përgatiti:
