Në prag të festimeve të Çlirimit të Kosovës, sheshi “Skënderbeu” në Prishtinë do të shndërrohet në një skenë magjike muzike dhe emocioni.
Më 3 qershor 2025, duke filluar nga ora 20:30, mbahet gala koncerti “Kanga Jonë 2025”, nën patronatin e Presidentes së Republikës së Kosovës, Vjosa Osmani-Sadriu.
Sipas njoftimit të organizatores Aria Kishotova, këtë vit, koncerti i kushtohet veprës së njërës prej figurave më të njohura të muzikës së lehtë shqiptare, kompozitorit Musa Piperku. Në një mbrëmje të veçantë, publiku do të ketë rastin të përjetojë krijimtarinë e tij përmes interpretimeve nga disa prej emrave më të njohur të muzikës shqiptare.
Mundesh me e lexu edhe…
Mysafirë specialë të këtij edicioni janë kantautori Armend Rexhepagiqi dhe sopranoja e njohur Inva Mula. Në skenë do të ngjiten edhe artistë si Genc Salihu, Eneda Tarifa, Jehona Sopi, MC Kresha, Fifi, Shpat Deda, grupi Zanat, kori i fëmijëve “Okarina” nën dirigjimin e Edon Ramadanit dhe Orkestra “Libertas”.
Organizatorët ftojnë qytetarët që të rezervojnë datën, ndërsa linku për rezervime do të bëhet publik më 23 maj 2025 nga ora 20:00. /Katror.info
Përgatiti:
