Një mjet i ri në softuerin iOS 17 për Apple iPhone, i quajtur Personal Voice, mund të klonojë dhe zëvendësojë zërin e njeriut me ndihmën e AI.
Mjeti, i cili do të jetë i disponueshëm nga shtatori, është i destinuar për njerëzit që rrezikojnë të humbasin fuqinë e të folurit ose ata për të cilët të folurit është problem, transmeton SkyNews, përcjell Katror.info.
Në mënyrë që një përdorues të krijojë zërin e tij digjital sipas kërkesës, ai duhet të lexojë 150 fraza të rastësishme, gjë që zgjat rreth 15 ose 20 minuta.
Mundesh me e lexu edhe...
Duhet shumë kohë që telefoni të përpunojë zërin sepse gjithçka bëhet në vetë pajisjen, dhe pajisja duhet të kyçet dhe karikohet.
pic.twitter.com/CF7nITZcua— Tom Acres (@tomiyacres) July 19, 2023
Pasi mjeti të ketë marrë të dhëna të mjaftueshme për zërin e përdoruesit, ai do të jetë në gjendje të fusë tekst dhe gjithçka që shkruan do të shqiptohet me “zërin e tij personal”.
Një reporter i SkyNews provoi funksionin dhe testoi mjedisin duke u dërguar atyre mesazhe zanore të folura me një “zë personal”.
Nëna dhe motra e tij nuk e vunë re ndryshimin, por miqtë e teknologjisë vunë re se diçka nuk shkonte dhe se dikush mund të kishte keqpërdorur zërin e reporterit.
Apple pohon se të gjitha informacionet e përdoruesit janë të sigurta. “Zëri personal” mund të fshihet nga pronari i iPhone dhe nuk mund të ndahet mes përdoruesve.
Kompania e sigurisë kompjuterike McAfee ka paralajmëruar se teknologjia e klonimit të zërit në përgjithësi po nxit një rritje të mashtrimeve, por tregoi se mbrojtja e Apple duhet të jetë e mjaftueshme për të pamundësuar mashtrimin.
McAfee kohët e fundit anketoi 1009 të rritur në Britani dhe zbuloi se pothuajse një e katërta e njerëzve kanë përjetuar një lloj mashtrimi me zërin e AI ose njohin dikë që ka përjetuar një mashtrim të tillë.
Sondazhi zbuloi gjithashtu se 65 për qind e të rriturve nuk janë të sigurt se mund të dallojnë një zë të klonuar nga ai i vërtetë. /Katror.info
Përgatiti:
