Autoriteti italian për mbrojtjen e të dhënave bllokoi të enjten qasjen në aplikacionin kinez të inteligjencës artificiale, DeepSeek, për të mbrojtur të dhënat e përdoruesve dhe njoftoi një investigim ndaj kompanive pas këtij chatbot-i, shkruan AP News, transmeton Katror.info.
Autoriteti, i quajtur Garante, shprehu pakënaqësi me përgjigjen e DeepSeek ndaj kërkesës fillestare për informacion mbi të dhënat personale që mblidhen, vendin ku ruhen dhe mënyrën se si përdoruesit informohen.
“Në kundërshtim me gjetjet e autoritetit, kompanitë deklaruan se nuk operojnë në Itali dhe se legjislacioni evropian nuk zbatohet për ta,” thuhet në deklaratë, duke theksuar se aplikacioni është shkarkuar nga miliona njerëz në mbarë botën brenda pak ditësh.
Mundesh me e lexu edhe…
Chatbot-i i ri i DeepSeek ka rritur konkurrencën në garën e teknologjisë së inteligjencës artificiale, duke tronditur tregjet dhe duke iu afruar liderëve amerikanë të AI gjenerative me një kosto shumë më të ulët./Katror.info
Përgatiti:
