Ish-presidentja e Republikës së Kosovës, Atifete Jahjaga, ka zhvilluar një vizitë në Komisionin Qeveritar për njohjen dhe verifikimin e statusit të personave të dhunuar gjatë luftës çlirimtare të Kosovës, së bashku me Ambasadorin e Republikës Federale të Gjermanisë në Kosovë, Jörn Rohde, Koordinatoren e Kombeve të Bashkuara në Kosovë, Arnhild Spence, Drejtoreshën e UN Women në Kosovë, Vlora Tuzi-Nushi, dhe Drejtoreshën Ekzekutive të Agjencisë për Barazi Gjinore në Zyrën e Kryeministrit, Edi Gusia, shkruan Katror.info.
Këtë e ka bërë të ditur Jahjaga përmes një postimi në rrjete sociale.
”Rruga drejt së vërtetës dhe drejtësisë është e mbushur me sfida nga më të ndryshmet por puna e palodhshme e këtij komisioni dëshmon se përkushtimi për të dëgjuar, verifikuar dhe njohur zërat e të mbijetuarve vazhdon me përkushtim e ndjeshmëri”, thuhet në njoftimin e bërë nga ish-presidentja, Atifete Jahjaga.
Mundesh me e lexu edhe...
Ky komision, i cili është një prej shtyllave kyçe të drejtësisë tranzicionale në vend, ofron njohje institucionale dhe një formë rehabilitimi për të mbijetuarit e dhunës seksuale gjatë luftës.
Në njoftimin e saj pas vizitës, Jahjaga theksoi rëndësinë e këtij procesi, duke e cilësuar atë si “një punë që shpesh bëhet larg syrit të publikut, por që ka një ndikim të thellë në jetët e atyre që kanë përjetuar dhimbjen më të madhe”.
”Rruga drejt së vërtetës dhe drejtësisë është e mbushur me sfida nga më të ndryshmet por puna e palodhshme e këtij komisioni dëshmon se përkushtimi për të dëgjuar, verifikuar dhe njohur zërat e të mbijetuarve vazhdon me përkushtim e ndjeshmëri”, theksoi ajo.
Ajo vlerësoi përkushtimin dhe ndjeshmërinë e anëtarëve të Komisionit përballë sfidave të shumta që shoqërojnë këtë proces, dhe nënvizoi se e drejta për të aplikuar për statusin e viktimës së dhunës seksuale nuk duhet të kufizohet me afate kohore.
“Dhimbja e tyre nuk ka afat”, tha Jahjaga, duke theksuar se mirëqenia e të mbijetuarve duhet të jetë një interes i përbashkët i shoqërisë kosovare.
Vizita u zhvillua si pjesë e përpjekjeve të vazhdueshme për të mbështetur drejtësinë për të mbijetuarit dhe për të siguruar që zëri i tyre të dëgjohet dhe të njihet institucionalisht. /Katror.info
Përgatiti:
