Prindërit në Japoni nuk do të kenë më liri të plotë në zgjedhjen e emrave për fëmijët e tyre, pas miratimit të rregullave të reja që kufizojnë shqiptimin e karaktereve kanji.
Qëllimi është të ndalohet praktika e emërimit “kirakira” (emra vezullues ose ekstravagantë), që shpesh kanë krijuar vështirësi administrative dhe janë bërë objekt talljeje në shkolla.
Megjithëse nuk ndalohen vetë karakteret kanji, prindërit tani duhet të deklarojnë shqiptimin fonetik të tyre. Do të pranohen vetëm leximet zyrtarisht të njohura, për të shmangur konfuzionin në institucione publike si shkollat dhe spitalet.
Mundesh me e lexu edhe…
Kjo rregullore është pjesë e përpjekjeve për të standardizuar emrat dhe për të lehtësuar proceset digjitale në administratë.
Ajo gjithashtu synon të ndalë përhapjen e emrave të pazakontë, si Pikachu, Naiki (Nike), Daiya (Diamanti), Ōjisama (Princi) apo Akuma (Djalli).
Raste si ai i Seiko Hashimotos – e cila emërtoi fëmijët e saj Girishia dhe Torino sipas vendeve ku u mbajtën Lojërat Olimpike – kanë shkaktuar debate për kufijtë e krijimtarisë prindërore në një shoqëri që vlerëson konformizmin.
Tani, prindërit që kanë zgjedhur shqiptime që devijojnë qartë nga konventa do t’u kërkohet të shpjegojnë zgjedhjen e tyre të emrit me shkrim dhe, nëse është e nevojshme, të dalin me një alternativë të pranueshme.
Ndërsa shumica e rreth 3,000 karaktereve kanji të lejuara kanë disa lexime të pranuara, shqiptimet e pazakonta do të kërkojnë shpjegim me shkrim dhe, në disa raste, mund të refuzohen.
Ky është një ndryshim i rrallë në sistemin ligjor të regjistrimit të familjeve në Japoni, të njohur si koseki. /Katror.info
Përgatiti:
