Banka Qendrore e Kosovës (BQK), në kuadër të aktiviteteve që po zhvillon në kuadër të Javës Ndërkombëtare të Parasë, ka nënshkruar Marrëveshje të Mirëkuptimit me Fakultetin Ekonomik të Universitetit të Prishtinës “Hasan Prishtina”, raporton Ekonomia Online.
Kjo është bërë për të avancuar bashkëpunimin dhe mbështetur aspektin akademik, avancimin e njohurive ekonomike dhe financiare, shkëmbimin e informacioneve dhe bashkëpunimin për projekte të përbashkëta në fushën e ekonomisë, financave dhe edukimit financiar.
Po ashtu, guvernatori i Bankës Qendrore të Kosovës, Ahmet Ismaili, ka mbajtur një ligjëratë me studentë të Fakultetit Ekonomik të Universitetit të Prishtinës rreth rolit të BQK-së në Sistemin Financiar të Kosovës, raporton Ekonomia Online.
Mundesh me e lexu edhe…
Guvernatori i BQK-së, para studentëve të këtij fakulteti foli për mandatin dhe organet vendimmarrëse brenda këtij institucioni.
“Është kënaqësi e veçante të jem në Fakultetin Ekonomik pas disa kohësh. Kujtimet e mia janë të ndërlidhura ngushtë me të kaluarën time profesionale. Kemi nënshkruar memorandum bashkëpunimi me Fakultetin Ekonomik me qellim të shkëmbej të dhëna kërkimore shkencore, dhe të ofroj tryeza të ndryshme të çështjeve ekonomike”, tha ai, teksa tregoi edhe për bashkëpunimet që kanë me institucione ndërkombëtare.
“Janë tri lloje vendimmarrjesh, si niveli i Guvernatorit i ndihmuar nga zëvendësguvernatori, duke vazhduar në nivelin e dytë të Bordit Ekzekutiv e pastaj Bordi i Bankës Qendrore. Bashkëpunim ndërkombëtar kemi me Bankën e Austrisë, Belgjikës, Luksemburgut, me Rezerva federale të ShBA-ve, Bankën Qendrore të Anglisë, Bankën Evropiane për Rindërtim e Zhvillim etj”, tha Ismaili.
E Dekani i Fakultetit Ekonomik në UP, u shpreh i lumtur nga vizita, siç tha të një ish-studenti të këtij departamenti.
“Jam shumë i lumtur që guvernatori do mbaj ligjërate para studentëve të Fakultetit Ekonomik i cili do jetë frymëzim për gjeneratat e reja, ku ai ishte edhe student e ligjërues i këtij fakulteti. Ne kemi qenë gjithmonë partner të Bankës Qendrore ku sot e kemi nënshkruar marrëveshje bashkëpunimi për të hapur mundësi për studentët për praktikë. Një departament qe do krijohet brenda BQK do jenë pjesë e tij edhe studentët tanë”, tha Ismaili./Katror.info
Përgatiti:
