Federata e Basketbollit të Kosovës (FBK) ka bërë të ditur se basketbollistja Jeta Zeka është zgjedhur si referja e parë grua nga Kosova në Federatën Ndërkombëtare të Basketbollit (FIBA).
“Jemi shumë të lumtur të ndajmë me ju super lajmin që basketbollistja Jeta Zeka është gruaja e parë nga Kosova që është zgjedhur si refere në FIBA — një arritje që hap rrugën për shumë të tjera pas saj,” thuhet në njoftimin e FBK-së.
Pak ditë më parë, Zeka mori pjesë në Kampin e Gjyqtarëve të FIBA-s, që u mbajt në Madrid. Ky kamp, i organizuar nga FIBA Evropa, ishte i detyrueshëm për gjyqtarët e rinj të licencuar. Nga Kosova morën pjesë Jeta Zeka dhe Genc Vitaku.
Mundesh me e lexu edhe…
Ky sukses përbën një moment historik për basketbollin kosovar dhe një dëshmi të fuqisë së grave në sport, shkruan FBK. /Katror.info
