Presidenti i zgjedhur i ShBA-së Donald Trump, ka nisur ta kompletojë administratën dhe pozitat e rëndësishme shtetërore.
Ai e bëri të ditur edhe emrin e drejtorit të ri të CIA-s.
John Ratcliffe, do të jetë në krye të kësaj agjencie, njërës prej shërbimeve sekrete më të mëdha dhe më të fuqishme në botë.
Mundesh me e lexu edhe…
Trump, tha se Ratcliffe ka qenë gjithmonë një luftëtar për të vërtetën dhe ndershmërinë me publikun amerikan.
“Jam i kënaqur të njoftoj se ish-Drejtori i Inteligjencës Kombëtare, John Ratcliffe, do të shërbejë si Drejtor i Agjencisë Qendrore të Inteligjencës (CIA). Nga zbulimi i bashkëpunimit të rremë rus si një operacion i fushatës së Clinton, deri te kapja e abuzimit të FBI-së me Liritë Civile në Gjykatën FISA, John Ratcliffe ka qenë gjithmonë një luftëtar për të Vërtetën dhe Ndershmërinë me Publikun Amerikan. Kur 51 zyrtarë të inteligjencës po gënjenin për laptopin e Hunter Biden, ishte një, John Ratcliffe, që po thoshte të vërtetën për Popullin Amerikan”, thuhet në njoftimin e tij.
Ndryshe, John Ratcliffe është nga miqtë e mëdhenj të shqiptarëve.
Po kush është John Ratcliffe?
Ratcliffe njihet për lidhje të forta me komunitetin shqiptar në SHBA.
Më 2016, Ratcliffe kishte qenë i pranishëm dhe kishte mbajtur fjalë rasti në cilësinë e të ftuarit të veçantë në “Forumin Ekonomik Mbarëkombëtar të Diasporës Shqiptare” në New York, i organizuar nga rrjeti shqiptaro-amerikan.
Në disa takime të tjera shihen fotografi të Ratcliffet me Pandeli Majkon, ish ministër i Shqipërisë për Diasporën dhe me Fatmir Mediun, ish-ministër i Mbrojtjes në Shqipëri.
Takime me të kanë pasur edhe zyrtarë nga Kosova, përfshirë deputetë të Kuvendit të Kosovës.
Kongresisti Ratcliffe është mik i afërt me biznesmenë shqiptarë në Amerikë. Kjo dëshmohet nga fotografitë e postuara në rrjete sociale nga këta biznesmenë./Katror.info
Përgatiti:
