89-vjeçarja Eliana Busch sapo ka fituar medalje të artë në kampionatin e notit në Doha përveç nderimeve të tjera që ka marrë ndër vite. “Dua t’i them të moshuarve se jeta duhet jetuar në çdo minutë që Zoti na ka dhënë fizikisht, duke e menaxhuar me mendjen tonë”-thotë Eliana. Busch përshkon tre apo katër herë pa ndalur gjatësinë e pishinës 25 metërshe.
Busch thotë se pret tashmë disa gra japoneze në moshë të ngjashme me të sajën për të konkurruar në kupën Kyushu në Japoni, ndërsa më parë ka fituar medalje ari në disiplinat 100 e 200 metra stili lirë, 50 metra bretkosë dhe 50 metra shpinë. Eliana Busch së shpejti do të mbushë 90 vjeçe por thotë se ndjehet në formë të mirë fizike.
“Dua të konkurroj e të fitoj, edhe pse e di se do të vija dita kur duhet të ndaloj. Por për sa kohë që marr vlerësime të mira, do të vazhdoj të notoj”,-thotë ajo. Ajo tregon me krenari foto në veshje noti të viteve 1950-të kur publikohej në revista e gazeta. Në moshën 20-vjeçare ajo thotë se u martua me një oficer dhe hoqi dorë nga noti për të kaluar te kalërimi.
Mundesh me e lexu edhe...
Por më pas në moshën 78 vjeçare nje aksident e detyroi të hiqte dorë nga kalërimi e të rikthehej te noti. “Duke u përpjekur të zbus një kalë race arabe u rrëzova e theva krahët, brinjët e qafën dhe për rikuperimin më ndihmoi noti”. /Katror.info
Përgatiti:
