Ish-kryeministrja e Estonisë Kaja Kallas, nga sot do ta marrë detyrën e re.
Ajo do ta pasojë Josep Borrellin, në pozitën e shefes për Politikë të Jashtme dhe Siguri të Bashkimit Evropian.
Kallas me këtë rast tha se është nder që do t’i ndjek hapat e politikanit të njohur spanjoll.
Mundesh me e lexu edhe…
“I dashur Josep Borrell , është një nder i jashtëzakonshëm të ndjek hapat e tu pas 5 viteve të vështira @eu_eeas në formësimin e jashtëm dhe të sigurisë së BE-së”, ka shkruar Kallas.
Kaja Kallas është politikane estoneze e cila ka shërbyer si Kryeministre e Estonisë që nga 26 janari 2021. Ajo është gruaja e parë që mbajti këtë post në Estoni. Kallas është anëtare e Partisë së Reformës së Estonisë, të cilën e drejton që nga viti 2018. Partia njihet për qëndrimin e saj liberal dhe pro Bashkimit Evropian.
E lindur më 18 qershor 1977, në Talin, Estoni, Kallas rrjedh nga një familje e njohur politike. Babai i saj, Siim Kallas, është ish-kryeministër i Estonisë dhe Komisioner Evropian. Para se të hynte në politikë, ajo studioi për drejtësi dhe punoi si avokate e specializuar në të drejtën e konkurrencës. Kallas shërbeu gjithashtu si deputete e Parlamentit Evropian (PE) nga viti 2014 deri në vitin 2018, ku u fokusua në politikat digjitale dhe të inovacionit.
Si kryeministre, Kallas ka qenë e njohur për mbështetjen e saj të fortë të Ukrainës në konfliktin e saj me Rusinë, anëtarësimin e Estonisë në NATO dhe përpjekjet e saj për të modernizuar ekonominë dhe qeverinë estoneze./Katror.info
Përgatiti:
