Përfaqësuesja e Lartë e Politikës së Jashtme të Bashkimit Evropian, Kaja Kallas, nga sot ka nisur një vizitë zyrtare në Ballkanin Perëndimor. Në kuadër të kësaj vizite, ajo do të qëndrojë në Tiranë më 8 prill, ku pritet të zhvillojë takime me liderët shqiptarë dhe të diskutojë për thellimin e bashkëpunimit mes BE-së dhe Shqipërisë.
Megjithatë, vizita e Kallas nuk përfshin të gjitha vendet e rajonit. Ajo nuk do të vizitojë Kosovën dhe as Serbinë, çka ka ngritur pikëpyetje në opinionin publik.
Për këtë çështje ka reaguar zëdhënësja e BE-së, Anitta Hipper, e cila përmes një përgjigjeje për Klan Kosova ka sqaruar se për shkak të kufizimeve kohore, Kallas nuk do të mund të vizitojë të gjitha vendet e Ballkanit Perëndimor në këtë udhëtim.
Mundesh me e lexu edhe…
“Përfaqësuesja e Lartë mbetet plotësisht e përkushtuar për të gjithë rajonin dhe vizitat e ardhshme në vendet e tjera tashmë janë duke u planifikuar. Mbështetja e BE-së për stabilitetin dhe integrimin evropian të Ballkanit Perëndimor mbetet një prioritet”, tha Hipper.
Vizita e Kallas vjen në një kohë kur sfidat politike dhe sigurie në rajon vazhdojnë të kërkojnë vëmendjen e vazhdueshme të Bashkimit Evropian, veçanërisht në kuadër të dialogut Kosovë–Serbi dhe proceseve integruese të vendeve të rajonit./Katror.info
Përgatiti:
