Nuk është e zakonshme të shohësh Kate Middleton duke kopjuar stilin e dikujt tjetër, por këtë javë, Princesha e Uellsit u shfaq me një fustan me pika të bardha që dukej sikur ishte marrë direkt nga garderoba e Princeshës Diana në vitet ’80, raporton Katror.info.
Gjatë një ceremonie për 80-vjetorin e Ditës së Fitores në Londër, Kate zgjodhi një fustan midi me pika nga Alessandra Rich, me mëngë voluminoze, jakë të lartë dhe bel të theksuar – një siluetë që e bën të pamundur të mos mendosh për princeshën e ndjerë.
Në fakt, Diana kishte veshur një kostum shumë të ngjashëm në garat Epsom në vitin 1986. Ngjashmëria mes tyre është kaq e madhe, sa fotot janë bërë virale në rrjete sociale.
Mundesh me e lexu edhe...
Por Kate i dha një prekje moderne pamjes, duke e kompletuar me këpucë nude me majë të mprehtë, vathë me perlë dhe një çantë elegante nga DeMellier.
Kjo nuk është hera e parë që Dukesha i referohet stilit të vjehrrës së saj, por ky moment duket më shumë si një nderim i dashur sesa thjesht një zgjedhje stili./Katror.info
