Qeveria e Republikës së Kosovës ka mbajtur të enjten në mbrëmje mbledhjen e saj të 242-të elektronike, ku janë miratuar katër vendime të rëndësishme, thuhet në njoftimin e ekzekutivit.
“Gjatë kësaj mbledhjeje, Qeveria ka miratuar kërkesën për dhënien në shfrytëzim të objektit për trajtimin e nënprodukteve shtazore në Zonën Industriale të Sankocit, në Komunën e Gllogocit. Ky vendim synon të avancojë menaxhimin e nënprodukteve shtazore në vend.
Po ashtu, është miratuar Programi për Parandalimin dhe Zvogëlimin e Barrës Administrative 2025-2028, së bashku me Planin e Veprimit 2025-2026, me qëllim lehtësimin e procedurave administrative dhe përmirësimin e shërbimeve për qytetarët dhe bizneset,” thuhet në njoftim.
Mundesh me e lexu edhe…
Në mbledhje është miratuar edhe Programi i Pronësisë Industriale 2025-2027, si dhe Plani i Veprimit 2025-2027 për zbatimin e Strategjisë së Reformës së Administratës Publike 2022-2027. Këto vendime thuhet se synojnë modernizimin e administratës publike dhe nxitjen e zhvillimit ekonomik përmes pronësisë intelektuale. /Katror.info
Përgatiti:
