Kompania KEDS ka njoftuar se erërat e fuqishme që kanë përfshirë një pjesë të territorit të Kosovës që nga mëngjesi i sotëm kanë shkaktuar dëme në rrjetin shpërndarës të energjisë elektrike, duke lënë pa rrymë një numër të konsiderueshëm konsumatorësh, shkruan Katror.info.
”Për shkak të erërave të forta që përfshinë një pjesë të vendit tonë nga mëngjesi i sotëm e që po vazhdojnë akoma, janë shkaktuar disa dëme në rrjetin elektrik shpërndarës, duke lënë një numër të konsiderueshëm të konsumatorëve pa furnizim me energji elektrike”, thuhet në njoftim.
Sipas KEDS-it, zonat më të prekura janë Peja, Mitrovica, si dhe disa pjesë të Prishtinës, Gjakovës dhe Prizrenit.
Mundesh me e lexu edhe…
”Ekipet e KEDS-it ndodhen në terren nëpër lokalitetet e prekura të këtyre rajone ku, përveçse po përkujdesen për sigurinë e sistemit, po punojnë vazhdimisht që ta kthejnë gjendjen në normalitet me furnizim me energji elektrike, për çka kërkojmë mirëkuptimin e konsumatorëve tanë të afektuar”, theksohet në njoftim. /Katror.info
Përgatiti:
