Muzikanti legjendar, Rod Stewart, e ka gjetur një shtëpi në Berkshire, e ka mobiluar atë dhe është zotuar ta paguajë qiranë dhe faturat për të paktën një vit, për një familje shtatanëtarëshe nga Ukraina, shkruan Koha.net
Ai thotë se po përdor “fuqinë” e tij si kalorës për të ndihmuar të tjerët.
Këngëtari pranoi se zakonisht i mban “të gjitha veprimet e tij bamirëse larg mediave”, por shpreson që duke i bërë publike lajmet, ai mund t’i frymëzojë të tjerët ta ndjekin shembullin
Mundesh me e lexu edhe...
Stewart i ka dhënë mbështetje çiftit ukrainas Rostylsav dhe Olena së bashku me pesë fëmijët e tyre duke paguar qiranë dhe faturat për pronën Berkshire për të paktën një vit, shkruan The Mirror.
77-vjeçari Stewart vendosi ta ndërmarrë këtë veprim pasi një natë, ai dhe gruaja e tij, Penny Lancaster, i shikuan në lajme ngjarjet shkatërruese që po ndodhin në këtë shtet.
“Fjalët nuk mund ta përshkruanin atë që po shikonim. Bombardimi i fëmijëve të pafajshëm, bombardimi i spitaleve dhe këndeve të lojërave. Si gjithë të tjerët, edhe ne ishim krejtësisht të tronditur dhe shokuar. Nuk ia uroj askujt një gjë të tillë. Këto janë veprime të liga. Unë kam lindur menjëherë pas Luftës së Dytë Botërore, kështu që familja ime ka shumë kujtime për të. Nuk e kisha menduar kurrë se do të shihnim përsëri luftëra tokësore me tanke”, deklaroi këngëtari për gazetën “Daily Mail”
Rod dhe nipi i tij, Warren, më pas e hartuan një plan për të mbushur kamionët me furnizime dhe për t’i çuar në kufirin ukrainas. Ylli i hitit “I Don’t Want To Talk About It” kishte shumë dëshirë që këtë rrugëtim na bënte personalisht, por ishte këshilluar të mos vepronte ashtu. Kamionët e dërguar nga muzikanti i sollën prapa në Berlin, 16 refugjatë.
Më pas, ai kontaktoi familjen shtatanëtarëshe të cilën po e strehon, dhe njëkohësisht i ka punësuar dy refugjatë të tjerë në pronën e tij në Essex./Katror.info
Përgatiti:
