Moti duket se është më shumë në anën tonë dhe në këto ditë jo aq të ftohta që na sjell, një sy e kemi gjithmonë nga udhëtimet në fundjavë.
Nëse në shkurt keni planifikuar me partnerin/en, miqtë ose shoqërinë për të shkuar në Romë do t’ju tregojmë se çfarë të bëni atje duke filluar nga eventet kulturore që pritet të organizohen, shfaqjet dhe koncertet.
Ngjarjet e shkurtit në Romë nuk duhen humbur ndaj nëse keni rezervuar biletet, ne ju themi se keni bërë shumë mirë.
Mundesh me e lexu edhe…
Ekspozita ‘Koha e Furnizimit’
Deri më 28 shkurt, Galeria Kombëtare e Artit Modern dhe Bashkëkohor pret ekspozitën ‘Koha e Furnizimit’. Ekspozita hulumton në veçanti marrëdhëniet midis artit nga njëra anë dhe shkencës e teknologjisë nga ana tjetër, me mbi 300 vepra duke përfshirë piktura, skulptura, projekte, vizatime, objekte mobilimi, filma, libra dhe postera. Të pranishme do të jenë edhe një hidroavion, makina, motoçikleta dhe instrumente shkencore të cilësisë më të mirë. Adresa: Viale delle Belle Arti, 131.
Munch në Pallatin Bonaparte
Nga 11 shkurti, Munch do të mbërrijë në pallatet Bonaparte me 100 vepra nga Muzeu Munch në Oslo, duke përfshirë kryeveprat më të famshme të piktorit norvegjez si Despire, Melancholy, Dance on the Beach, Girls on the Bridge , Vdekja e Maratit, Nata me Yje. Adresa: Piazza Venezia 5
Joga dhe muzikë në Auditorium Parco della Musica
Për herë të parë në Auditorium, një përvojë e re gjithëpërfshirëse kushtuar mirëqenies së brendshme do të vihet në funksion të të gjithë atyre që kanë dëshirë të marrin pjesë. Muzikantë nga kultura dhe zona të ndryshme gjeografike do të shoqërojnë profesionistët e jogës me instrumentet e tyre për të arritur pikën kulmore të lidhjes me të brendshmen. Takimet do të zhvillohen më 2 dhe 16 shkurt. Adresa: Via Pietro de Coubertin 30
Koncerte
Të shtunën më 1 dhe të dielën më 2 shkurt do të keni kënaqësinë të dëgjoni koncertin e Max Pezzali që do të organizohet në Palazzo dello Sport, po ashtu në të njëjtin vend do të performojë edhe Capo Plaza të mërtën më 4 shkurt.
Festivali i katërputroshëve
Roma është gati të mirëpresë festivalin kushtuar të gjithë atyre që i dashurojnë kafshët dhe miqve të tyre katërputroshë. Ai do të zhvillohet të shtunën më 8 dhe të dielën më 9 shkurt në Fiera di Roma.
Gjatë dy ditëve pjesëmarrësit do të kenë mundësi të mësojnë më shumë rreth kafshëve dhe sjelljeve të tyre. Orari i hapjes do të jetë 10:00-19:00, ndërsa bileta do të jetë 14 euro për të rriturit dhe falas për fëmijët deri në 10 vjeç, qen dhe mace. /Katror.info
Përgatiti:
