Të gjithë jemi të vetëdijshëm se lidhja me të tjerët është kritike për shëndetin dhe lumturinë tonë. Në fakt, marrëdhëniet e forta shoqërore mund të na ndihmojnë të jetojmë më gjatë, ndërsa vetmia mund të jetë po aq e keqe për shëndetin tonë sa edhe pirja e një pakete cigare çdo ditë. Por, çka nëse shoqërimi ju lë të shtjerrur dhe jo energjik?
Nëse keni nevojë për të rimarrë energji pasi keni kaluar kohë me të tjerët, nuk jeni vetëm. Për fat të mirë, ka strategji për të forcuar marrëdhëniet tuaja shoqërore pa shteruar energjinë tuaj.
Disa këshilla se si ta realizoni:
Mundesh me e lexu edhe…
Pse shoqërimi ju bën të ndiheni të lodhur?
1. Lidhja e tepërt e bën të vetën
Në shoqërinë e sotme të hiper-lidhur, është e lehtë të qëndrosh i lidhur në çdo kohë. Pavarësisht nëse është përgjigjja në email-et e punës, kontrollimi i njoftimeve të mediave sociale ose kalimi në DM (mesazhe direkte), rrjedha e vazhdueshme e aktivitetit mund të jetë rraskapitëse. Lidhja e vazhdueshme mund të dëmtojë gjumin tuaj dhe t’ju bëjë më pak të hapur ndaj bisedave domethënëse. Sipas Dr. Perpetua Neo, një psikolog klinik, “Më shumë harxhoni energji gjatë interaktivitetit online sesa që rritet dopamina qoftë edhe nga marrja e një “lik-u” në rrjete sociale. Një mënyrë për ta menaxhuar këtë është të çaktivizoni njoftimet e panevojshme dhe të caktoni kohë të veçanta për të kontrolluar pajisjet tuaja, duke i lejuar vetes të rimbusheni me energji.
2. Ju e injoroni mënyrën tuaj unike të shoqërimit
Të gjithë kanë një hapësirë të ndryshme të vëmendjes dhe ne të gjithë kemi “ritmin tonë social”. Disa njerëz mund të kalojnë orë të tëra duke u shoqëruar, ndërsa të tjerë janë të rraskapitur vetëm pas një kohe të shkurtër. Të kuptuarit e ritmit tuaj shoqëror ju lejon të bëni gjykime më të mira se si dhe kur të ndërveproni me njerëzit. Dr. Neo ofron një ide: “Kini parasysh mënyrën tuaj të socializimit dhe filloni të ndryshoni ndërveprimet tuaja bazuar në këtë.” Për shembull, nëse mbledhjet e zgjatura ju lënë të rraskapitur, provoni të planifikoni takime më të shkurtra dhe më të rregullta që korrespondojnë me rrjedhën tuaj tipike të energjisë.
3. Ju përpiqeni të jeni një ekstrovert kur nuk jeni
Jo të gjithë lulëzojnë gjatë situatave të mëdha sociale, dhe kjo është absolutisht mirë. Nëse jeni më introvert, mund të preferoni të angazhoheni në biseda të thella dhe kuptimplote me një ose dy persona në vend që të përziheni në një turmë.
4. Ju e obligoni vetën për rregullimin emocional të të tjerëve
Të jesh personi i preferuar për shqetësimet e njerëzve mund të jetë sfilitës emocionalisht. Ndërsa është mirë të jesh një mik mbështetës, dëgjimi i vazhdueshëm i problemeve të të tjerëve mund t’ju bëjë të lodhur. Dr. Neo rekomandon të krijoni kufij dhe të pyesni veten: “A e meriton ky person vëmendjen time?” Është gjithashtu e dobishme të përcaktoni nëse dikush ka nevojë për një vesh që dëgjon ose po kërkon zgjidhje, të cilat do t’ju ndihmojnë të menaxhoni energjinë tuaj emocionale në mënyrë më efektive.
5. Detyrimet sociale ju rëndojnë
Ndonjëherë ne vazhdojmë të shoqërohemi me të tjerët nga detyrimi dhe jo nga entuziazmi i vërtetë. Këto marrëdhënie mund të jenë rraskapitëse, veçanërisht nëse nuk janë përmbushëse. Dr. Neo rekomandon që të diskutoni butësisht çdo shqetësim në këto marrëdhënie dhe të kufizoni sa shpesh takoheni.
6. Streset ditore të jetës mund ta shterrin energjinë për socializim
Edhe para se të fillojmë shoqërimin, pengesat e jetës mund të na lënë të rraskapitur. Stresi i punës, çështjet personale ose thjesht një orar i ngjeshur mund t’i bëjnë planet sociale të ndihen më shumë si një punë e përditshme sesa një kënaqësi. Është më mirë të jeni të sinqertë me miqtë tuaj për nivelet aktuale të energjisë. Dr. Neo sugjeron t’u bësh me dije miqve se ke qenë pak i papërqendruar kohët e fundit dhe se për shkak të rrethanave të jetës, mund të jesh më pak i disponueshëm.
7. Lodhja e mediave sociale
Për disa, shoqërimi nuk ndalet kur ngjarja përfundon; vazhdon në rrjetet sociale. Shkëmbimi i kujtimeve në internet mund të jetë i këndshëm, por gjithashtu mund të jetë rraskapitës. Nëse ndiheni të detyruar të dokumentoni gjithçka, Dr. Neo rekomandon të jeni të kujdesshëm se me kë ndërveproni në mediat sociale, duke u fokusuar në atë që në të vërtetë forcon miqësinë tuaj në vend që të ndiheni të shtyrë për të postuar gjithçka.
Rikuperimi i energjisë suaj sociale: këshilla për një jetë të ekuilibruar shoqërore
1. Zgjidhni aktivitete që ju japin energji
Jo të gjitha aktivitetet shoqërore janë krijuar të barabarta. Merrni parasysh llojet e ndërveprimeve që ju bëjnë të ndiheni më energjikë dhe jo të varfëruar. Pavarësisht nëse është një shëtitje e butë, një takim i relaksuar me kafe ose një detyrë e përbashkët, gjetja e mënyrave për t’u shoqëruar që përputhen me nivelin tuaj të energjisë mund të ketë një ndikim të madh.
2. Thuaj jo ngjarjeve sociale tepër kërkuese
Është në rregull t’u thuash jo gjërave që ndihen më shumë si një punë e përditshme sesa një gëzim. Për shembull, të kesh një darkë mund të tingëllojë tërheqëse, por nëse planifikimi, gatimi dhe pastrimi ju lodhin, kërkoni alternativa ose zgjidhje më të thjeshta. /Katror.info
Përgatiti:
