Autoritetet kineze njoftuan të martën një gamë të gjerë masash që synojnë bizneset amerikane duke përfshirë Google, prodhuesit e pajisjeve bujqësore dhe markën e modës Calvin Klein, pak minuta pasi tarifat shtesë të SHBA-ve mbi mallrat kineze hynë në fuqi, përcjell Albanian Post.
Masat u njoftuan pasi Pekin-i vendosi gjithashtu tarifa për disa produkte amerikane si qymyri, gazi dhe kamionët elektrikë.
Kjo, në një përgjigje të shpejtë ndaj detyrimeve të reja ndaj mallrave kineze të vendosura nga presidenti amerikan Donald Trump, duke përshkallëzuar tensionet tregtare midis dy ekonomive më të mëdha në botë.
Mundesh me e lexu edhe…
Ministria e Tregtisë e Kinës tha se kishte vendosur PVH Corp, kompaninë holding për markat përfshirë Calvin Klein dhe Tommy Hilfiger dhe firmën amerikane të bioteknologjisë Illumina, në listën e “entiteteve të saj jo të besueshme”.
Autoritetet shtuan se të dyja kompanitë morën të ashtuquajturat “masa diskriminuese kundër ndërmarrjeve kineze” dhe “dëmtuan” të drejtat dhe interesat legjitime të kompanive kineze.
Kompanitë e shtuara në listën e zezë mund t’i nënshtrohen gjobave dhe një gamë të gjerë sanksionesh të tjera, duke përfshirë ngrirjen e tregtisë dhe revokimin e lejeve të punës për stafin e huaj.
Më vete, Administrata Shtetërore e Rregullimit të Tregut të Kinës tha se Google dyshohej se kishte shkelur ligjin antimonopol të vendit dhe një hetim u nis për kompaninë në përputhje me ligjin.
Ai dha detaje të mëtejshme mbi hetimin ose mbi atë që pretendonte se Google kishte bërë për të shkelur ligjin.
Produktet e Google si motori i tij i kërkimit janë të bllokuara në Kinë dhe të ardhurat e saj prej andej janë rreth 1 për qind e shitjeve globale.
Ministria e Financave të Kinës njoftoi gjithashtu tarifa 10 për qind për pajisjet bujqësore që mund të ndikojnë në firmat amerikane si Caterpillar, Deere & Co, dhe AGCO, si dhe një numër i vogël kamionësh me motorë të mëdhenj të dërguar në Kinë nga Shtetet e Bashkuara.
Kjo mund të zbatohet për Cybertruck të Elon Musk, e cila është promovuar në Kinë, pasi pret lejen rregullatore për të filluar shitjet./Katror.info
Përgatiti:
