Kalimi i Kinës drejt energjisë së pastër po transformon ekonominë globale të energjisë, duke përshpejtuar përhapjen e burimeve të rinovueshme dhe duke e afruar vendin drejt kulmit të përdorimit të karburanteve fosile.
Ky është përfundimi i një raporti të ri nga organizata ndërkombëtare e mendimit Ember, i cili vlerëson ndikimin që po ka “diplomacia energjetike” kineze dhe dominimi i saj në teknologjinë e pastër, sidomos në vendet në zhvillim, shkruan PositiveNews, përcjell Katror.info.
Sipas raportit, fabrikat kineze prodhojnë sot 60% të turbinave me erë dhe 80% të paneleve diellore në botë. Kjo ka ulur ndjeshëm koston e energjisë së rinovueshme në mbarë botën, duke bërë që 91% e projekteve të reja me erë dhe diell të jenë më të lira sesa alternativat me karburante fosile.
Mundesh me e lexu edhe…
“Kina ka hapur derën drejt një të ardhmeje të re energjetike, duke ndërtuar elektro-teknologji në shkallë të gjerë, ulur kostot dhe ngritur kufijtë e mundësive,” u shpreh Sam Butler-Sloss, menaxher kërkimesh në Ember.
“Pasojat janë shumë më të mëdha sesa kufijtë e saj.”
Ky raport vjen në një kohë kur po rritet optimizmi se emetime e gazrave serë në Kinë mund të kenë arritur kulmin, duke shënuar një moment kritik në luftën globale kundër ndryshimeve klimatike./Katror.info
