Kosova vazhdon të forcojë praninë e saj në skenën ndërkombëtare të kinemasë, këtë herë me suksesin e dokumentarit të shkurtër Mua Besoj Më Shpëtoi Portreti (I Believe the Portrait Saved Me), që pati premierën e tij të paharrueshme në Forum Expanded të Berlinales, shkruan Katror.info.
Filmi, i shkruar dhe realizuar nga artisti dhe regjisori i njohur kosovar Alban Muja, solli një qasje të veçantë kinematografike, duke u prezantuar në një nga seksionet më prestigjioze të festivalit, të njohur për promovimin e filmave eksperimentalë dhe me qasje të reja krijuese. Ekipi i filmit, i përbërë nga emra të shquar të industrisë kosovare të filmit, ka luajtur një rol kyç në realizimin e këtij projekti. Narratori i filmit është Skender Muja, drejtori i fotografisë Samir Karahoda, ndërsa montazhi është realizuar nga Enis Saraci. Për regjistrimin e zërit është kujdesur Labinot Krasniqi, ndërsa për përpunimin dhe miksimin e audios Pellumb Ballata. Producenti i filmit është Edon Rizvanolli, ndërsa producentja e linjës Albana Muja.
Filmi është prodhuar me mbështetjen e Qendrës Kinematografike të Kosovës (QKK) dhe po shënon një moment të rëndësishëm për industrinë filmike të vendit. Për ata që nuk patën mundësi ta ndiqnin premierën, shfaqje të tjera do të mbahen më 17 dhe 22 shkurt.
Mundesh me e lexu edhe…
Pjesëmarrja e Kosovës në Berlinale këtë vit është e dyfishtë, pasi krahas premierës së këtij filmi, Qendra Kinematografike e Kosovës është prezente edhe në European Film Market, në Standin 137 të Marriott Hotel, ku promovon industrinë kinematografike të vendit dhe krijon mundësi të reja bashkëpunimi ndërkombëtar./Katror.info
Përgatiti:
