Një kirurg i trurit në Los Anxhelos, i cili luftoi për gati një javë për të shpëtuar shtëpitë në rrugën e tij nga zjarret, i tha BBC-së se kishte kaluar 15 vite duke u përgatitur për një ngjarje të tillë.
Banori i Malibus, Dr. Chester Griffiths, 62 vjeç, injoroi urdhërat për evakuim për të mbajtur flakët e zjarrit të Palisades larg, me ndihmën e djalit të tij dhe një fqinji, derisa shërbimet e shpëtimit arritën tek ata, përcjell Katror.info.
“Ne gjithmonë e dinim se një zjarr do të vinte një ditë por nuk e dinim kur,” i tha Dr. Griffiths BBC-së në programin Today.
Mundesh me e lexu edhe...
“Ne kurrë nuk e kishim parashikuar që do të ishte kaq shkatërruese dhe apokaliptike” tha ai.
Duke lidhur katër litarë me pompat e ujit, Dr. Griffiths, djali i tij dhe z. Colbert u ngjitën në çati për të spërkatur ujë mbi flakët dhe për të shuar thëngjijtë që binin në tokë.
“Prej rreth 12 orësh, po na binin thëngjij të djegur,” tha Dr. Griffiths.
Ata u bashkuan me zjarrfikësit vetëm në ditët e fundit të përpjekjes së tyre njëjavore, pasi burimet ishin ‘shumë të shpërndara’ për shkak të numrit të madh të zjarreve në zonën e Los Angeles.
“Departamenti i Zjarrfikësve mendonte se nuk mund të shpëtoheshin të gjitha shtëpitë,” tha Dr. Griffiths.
Ai tha se e kupton plotësisht pse shërbimi i zjarrfikësve ishte shumë i ngarkuar për të ndihmuar, duke shtuar, kjo është arsyeja pse është kaq e rëndësishme të jesh i trajnuar më parë, të kesh pajisjet dhe me të vërtetë të kesh mbështetje nga komuniteti yt.
Ekipet e zjarrfikësve në Los Angeles po luftojnë ende me dy zjarre të mëdhenj dhe dy të vegjël, ndërsa përgatiten për mundësinë e shkatërrimeve të tjera.
Banorët po përgatiten për shkatërrime të tjera, pasi parashikimet e motit sugjerojnë se erërat që ndihmojnë në ndezjen e flakëve mund të përshpejtohen përsëri.
Kryebashkiakja e Los Angeles, Karen Bass, deklaroi se po bëhen ‘përgatitje urgjente’ përpara erërave të forta që pritet të arrijnë gjatë të martës, me forcë të ngjashme me atë të një uragani. /Katror.info
Përgatiti:
