Një koleksion kitarash të rralla, të dhuruara në mënyrë anonime një dyqani bamirësie – përfshirë dy nga Elvis Presley dhe Bob Dylan – janë shitur në ankand për më shumë se 12,000 paund.
Gjashtë kitarat e vlefshme dhe një amplifikator u dhuruan në fund të vitit të kaluar në dyqanin Oxfam në Witney.
Pasi u vlerësuan nga vullnetarët e dyqanit, u kuptua shpejt se kitarat mund të ishin shumë të vlefshme dhe u futën në ankand javën e kaluar.
Mundesh me e lexu edhe…
Ndër to ishte edhe një kitarë akustike Gibson Custom Shop Banner 1942 J-45, e cila ishte një nga të preferuarat personale të Elvis Presley. Ajo u shit për 2,200 paund.
Ndërsa një Martin D-28, e preferuar nga artistë si Bob Dylan dhe Neil Young, u shit për 3,400 paund.
Chris Meadows, një nga vullnetarët në Witney, tregoi se si ai dhe kolegët e tij e morën donacionin:
“Nga fundi i vitit të kaluar, një zotëri hyri në dyqan dhe pyeti nëse pranonim kitara si donacion”.
“Unë nuk di asgjë për kitarat, por mbaj mend që pashë kutitë dhe më duken të vlefshme – pa ditur se sa të vlefshme ishin në të vërtetë”.
Meadows tha se bashkë me vullnetarët e tjerë bënë kërkime dhe “kuptuan shumë shpejt sa të veçanta ishin”.
Koleksioni, i cili u shit në shtëpinë e ankandeve Ewbank në Woking, Surrey, përfshinte gjithashtu edhe një Gibson ES 335 elektrike dhe një Gretsch White Falcon G6136-55VS elektrike.
John Silke, vlerësuesi i instrumenteve muzikore në Ewbank, tha se secila nga këto kitara do të ishte “në listën e ëndrrave të çdo kitaristi”./AP/Katror.info
