Startup-i i inteligjencës artificiale i Elon Musk, xAI, ka siguruar 10 miliardë dollarë financim përmes një kombinimi të borxhit dhe kapitalit, bëri të ditur banka Morgan Stanley.
Sipas bankës, 5 miliardë dollarë janë mbledhur përmes borxhit përfshirë obligacione dhe kredi – ndërsa pjesa tjetër erdhi nga investitorë strategjikë që siguruan kapital.
Oferta e borxhit u prit me interes të madh, dhe ndër investitorët u përfshinë disa nga institucionet më të njohura financiare në botë.
Mundesh me e lexu edhe…
Kjo shumë rekord do të përdoret për ndërtimin e superkompjuterit Colossus, për përmirësimin e chatbot-it Grok, si dhe për forcimin e infrastrukturës teknologjike të xAI, në përpjekje për të rritur presionin ndaj konkurrentëve si OpenAI dhe Anthropic.
Në maj, Elon Musk njoftoi se rreth 200,000 njësi GPU janë instaluar tashmë në qendrën e zhvillimit të Colossus në Memphis.
Ai gjithashtu zbuloi plane ambicioze për ndërtimin e një strukture edhe më të madhe, me kapacitet deri në një milion çipa.
Investimi vjen në një moment të konkurrencës së fortë midis kompanive amerikane që garojnë për dominim në tregun e inteligjencës artificiale.
Në mars, OpenAI siguroi 40 miliardë dollarë në një raund të ri financimi, ndërsa Anthropic mori një linjë krediti prej 2.5 miliardë dollarësh në maj, duke e çuar vlerën e saj të tregut në 61.5 miliardë dollarë.
xAI u vlerësua në 50 miliardë dollarë vitin e kaluar, por raundi i fundit i financimit pritet ta rrisë vlerën e kompanisë në mbi 80 miliardë dollarë. /Katror.info
Përgatiti:
