Mbi 411 mijë pasaporta janë lëshuar këtë vit nga Agjencia e Regjistrimit Civil (ARC). Krahasuar me vitin e kaluar, sivjet ky numër është rritur për 28 për qind, ka bërë të ditur kryeshefi i ARC-së, Blerim Camaj.
Camaj ka thënë se këtë vit kanë shënuar rritje edhe numri i lëshimit të letërnjoftimeve dhe patent-shoferëve, teksa synim kanë zvogëlimin e barrës administrative, ku qytetarët mund të marrin shërbime në mënyrë elektronike, shkruan Ekonomia Online.
Ai ka thënë se këtë vit kanë lëshuar 12 për qind më shumë letërnjoftime se sa vitin e kaluar.
Mundesh me e lexu edhe...
“Këtë vit, lëshimi i pasaportave janë në rritje sipas shifrave, 411,489 pasaporta. Çka do të thotë se krahasuar me vitin e kaluar, kemi 28 për qind më shumë pasaporta. Arsyeja dihet është për shkak të liberalizimit të vizave. E sa i përket letërnjoftimeve, kemi 248 mijë të lëshuara, krahasuar me vitin e kaluar është 12 për qind më shumë këtë vit”, ka thënë Camaj, teksa shton se për patent-shoferë nuk ka ndonjë përqindje të lartë krahasuar me vitin e kaluar.
Camaj ka deklaruar se fokus për vitin e ardhshëm është zvogëlimi i barrës administrative, ku qytetarët do të mund t’i marrin disa shërbime në mënyrë elektronike.
“Patent-shoferë kemi të lëshuar 83,579, krahasuar me vitin e kaluar është dikund 1 për qind më shumë këtë vit. Kështu që edhe këtë vit që po e përfundojmë, shërbimet ndaj qytetarëve kanë qenë të mira. Si nga gjendja civile, pajisja me dokumente, regjistrimi i automjeteve, mirëpo për vitin e ardhshëm mendojmë që këto shërbime të avancohen sidomos në zvogëlimin e barrës administrative, ku qytetari do të marrë shërbime në mënyrë elektronike edhe t’i eliminojmë letrat. Ky pra është një projekt i Qeverisë që barra administrative të funksionojë sa më mirë në institucione të shtetit, sidomos në Agjencinë e Regjistrimit Civil, ku qytetarët marrin shërbime më esenciale dhe më të rëndësishme”, u shpreh Camaj.
Krahas këtij angazhimi, Camaj ka thënë se punë të madhe kanë bërë edhe në veri të vendit. Aty, tashmë ARC-ja funksionon
“Edhe shërbimet në veri siç dihet që kemi funksionuar nëpër fshatra, tani të gjitha shërbimet që ofron Agjencioni i Regjistrimit Civil merren në një vend. Janë akomoduar zyrtarët nëpër objektet komunale, ku janë duke ofruar të gjitha shërbimet në një vend. Kemi bërë edhe rekrutimin e zyrtarëve, fillimisht na u ka deshtë t’i marrim disa zyrtarë me kontrata mbi vepër, ndërsa tashmë i kemi rekrutuar dhe zyrtarët janë duke funksionuar dhe po ofrojmë shërbime të sakta në baza ditore dhe të shpejta”, u shpreh ai./EO
Përgatiti:
