Nën organizimin e Agjencisë për Informim dhe Privatësi, në Kosovë ka nisur për herë të parë Punëtoria Ndërkombëtare për Lirinë e Informacionit, e cila ka mbledhur përfaqësues nga 14 shtete evropiane për të diskutuar dhe promovuar qasjen në dokumente publike dhe mbrojtjen e të dhënave personale, shkruan Katror.info.
Në këtë ngjarje dyditore, që konsiderohet një hap i rëndësishëm për transparencën institucionale, po marrin pjesë ekspertë dhe përfaqësues të autoriteteve relevante nga Mbretëria e Bashkuar, Gjermania, Austria, Zvicra, Portugalia, Spanja, Skocia, Zyra e Avokatit të Popullit Evropian, Kroacia, Hungaria, Sllovenia, Mali i Zi, Maqedonia e Veriut dhe Shqipëria.
“Punëtoria dyditore, ka për qëllim forcimin e kapaciteteve të institucioneve të Kosovës dhe shteteve ndërkombëtare dhe të rajonit për të siguruar një qasje më të hapur dhe efikase të informacionit dhe për të përmirësuar dhe forcuar mekanizmat për mbrojtjen e të dhënave personale”, njoftoi drejtoresha e përgjithshme e Agjencisë për Informim dhe Privatësi.
Mundesh me e lexu edhe…
Qëllimi kryesor i kësaj punëtorie është forcimi i kapaciteteve të institucioneve në Kosovë dhe rajon për të ofruar qasje më të hapur dhe efikase në informacion, si dhe për të avancuar mekanizmat për mbrojtjen e të dhënave personale.
Organizatorët e vlerësojnë këtë aktivitet si një ngjarje historike për promovimin e lirisë së informacionit në Kosovë dhe për forcimin e transparencës dhe llogaridhënies së institucioneve publike./Katror.info
Përgatiti:
