Instituti ATOMI, me autorizimin e Asociacionit Kangourou Sans Frontières (AKSF) dhe mbështetjen e Ministrisë së Arsimit, Shkencës, Teknologjisë dhe Inovacionit (MAShTI), organizon në Kosovë Garën Ndërkombëtare të Matematikës Kangaroo 2025.
Gara do të zhvillohet më 22 mars 2025 dhe është e hapur për të gjithë nxënësit e shkollave publike dhe private nga klasa II deri në klasën XII, shkruan Katror.info.
Gara Kangaroo është një nga garat më të njohura ndërkombëtare në fushën e matematikës, ku çdo vit marrin pjesë mbi 6 milionë nxënës nga më shumë se 80 shtete. Në përfundim të garës, të gjithë pjesëmarrësit do të pajisen me certifikata të njohura ndërkombëtarisht.
Mundesh me e lexu edhe…
Aplikimi për pjesëmarrje është i hapur deri më 9 mars 2025. Nxënësit mund të nominohen nga prindërit, mësimdhënësit, shoqëria ose të vetë-nominohen. Regjistrimi bëhet online përmes platformës së garës, ndërsa për nxënësit nga familjet me ndihmë sociale, pjesëmarrja është pa pagesë.
Për nxënësit më të suksesshëm, gara ofron përfitime shtesë, si kurse të avancuara dhe mentorim nga profesionistë të fushës së matematikës, mundësi për pjesëmarrje në gara ndërkombëtare, qasje në literaturë të avancuar dhe potencialisht bursa shkollimi.
Instituti ATOMI organizon këtë garë për të nëntin vit radhazi, duke synuar identifikimin dhe mbështetjen e talenteve në fushën e matematikës në Kosovë.
PËR TË APLIKUAR KËRKOHET QË:
– Në faqen e internetit të Math Kangaroo Contest – Kosovo – MKC-K (https://apliko.kangaroo-ks.org/) të plotësoni aplikacionin online ose të shkarkoni, printoni dhe plotësoni Formularin e aplikimit – nominimit./Katror.info
Përgatiti:
