Sot kur inteligjenca artificiale e ka revolucionarizuar mënyrën se si punojmë dhe jetojmë, Teuta Pajaziti, punonjëse në njërën nga bankat në Kosovë, ka zgjedhur të trajnohet për këtë fushë, për ta zbatuar atë në praktikë në sektorin bankar.
Teuta është në mesin e 250 të trajnuarve në kuadër të projektit “ICT for Kosovo’s Growth”, 200 nga të cilët sot u certifikuan në modulet e avancuara të gjuhëve programuese.
Ky është semestri i 7-të i të rinjve që për pesë muaj u trajnuan në 18 module të ndryshme, kryesisht të gjuhëve programuese. E lajme të mira pret nga ta, drejtori i Prishtina Rea, organizatw kjo që zbatoi projektin e financuar nga Bashkimit Evropian. Ai tha se të rinjtë janë të gatshëm menjëherë për tregun e punës. Ndërsa vlerëson se tashmë të rinjtë kosovarë janë konkurrues për tregun evropian.
Mundesh me e lexu edhe…
Presidentja e Kosovës, Vjosa Osmani, e ka cilësuar Kosovës vatër të inovacionit ndërsa investimi në teknologji të informacionit është domosdoshmëri.
“Kosova është dhe do vazhdojë të mbetet vatër inovative. Këta të rinj janë pjesë e tregut kosovar që po hapin shtigje për shtetin tonë në përgjithësi. Është e domosdoshme që me këtë projekt duke investuar në rini ne investojmë në të ardhmen tonë,” tha Presidentja Osmani.
Shefi i Zyrës së BE-së në Kosovë, ambasadori Tomas Szunyog tha se me këtë projekt Kosova po e nis një transformim dhe se ky sukses është fal dedikimit të të gjithëve.
“Qëllimet ynë është shumë i qartë, të nxisim inovacionin, të rrisim ekonominë, të rrisim pjesëmarrjen në tregun e punës dhe të lehtësojmë lidhjet ndërkombëtare të sektorit të ICT-së në Kosovë,” tha ai.
Zëvendësministri i Ekonomisë, Getoar Mjeku, tha se aktualisht po punohet që digjitalizimi të shtrihet në gjithë vendin.
“85% është pjesa e shërbimit të TIK që Kosova. Përmes platformave digjitale ligji e njeh po punojmë për ligjin 5G po punojmë me e shtri digjitalizimin më gjithë vendin. Kjo kërkesë përkthehet për shumë njerëz profesionistë të zotë, andaj jemi të lumtur për atë se çka po bën projekti, dhe BE i ka dhënë përkrahje siç po vazhdon të japë,” tha Mjeku.
Kryetari i Prishtinës, Përparim Rama, ka thënë se të tilla trajnime fuqizojnë dukshëm sektorin e TIK duke i ndihmuar punësimit dhe zgjerimit ekonomik në gjithë vendin.
“Ky projekt përputhet me vizionin që kemi me Prishtinën. Me mbështetjen e të rinjve në Prishtinë, e kuptojmë rolin etik që të digjitalizimit, kur i shoh ketë të rinj më bëhet zemra mal kur i shoh këta të rinj jo vetëm në Prishtinë, por në gjithë Kosovën. Përparimi do jetë multidimensional më te gjitha sektorët për ta pasur mbështetjen institucionale. Mundemi prej fundit me dal të parët, nuk ka pse të mos synojmë të jemi të parët në kreativitet dhe inovacion,” tha Rama.
Projekti “TIK për rritjen e Kosovës” financuar nga Bashkimi Evropian, synon të kapërcejë hendekun e aftësive digjitale dhe të biznesit në një mënyrë të qëndrueshme duke plotësuar nevojat e tregut dhe rritur konkurrencën e bizneseve digjitale dhe tradicionale të Kosovës. Gjithashtu synon të rrisë eksportin e TIK-ut dhe bizneseve tradicionale kosovare përmes përdorimit të TIK-ut. Deri më tash janë ceritfikuar gjithsej 1711 të rinj./Katror.info
Përgatiti:
