Kosovarët edhe për vitin 2025 janë më të lumturit në rajon, sipas Raportit Botëror të Lumturisë.
Kosova, ashtu si vitin e kaluar, mban vendin e 29-të në listën e shteteve më të lumtura në botë. Studimi u zhvillua në 147 shtete, shkruan koha.
Pas Kosovës, nga vendet e rajonit, Serbia renditet e 31-a, Mali i Zi i 71, Kroacia e 72, Maqedonia e Veriut e 86 dhe Shqipëria e 89.
Mundesh me e lexu edhe…
Raporti i 13-të vjetor i Lumturisë Botërore, i publikuar për të shënuar Ditën Ndërkombëtare të Lumturisë të OKB-së, rendit vendet më të lumtura në botë duke u kërkon njerëzve të vlerësojnë jetën e tyre.
Studimi, i publikuar nga Qendra Kërkimore e Mirëqenies në Universitetin e Oksfordit, u kërkoi njerëzve të vlerësojnë jetën e tyre në një shkallë nga 0-10. Zero është jeta më e keqe e mundshme dhe 10 jeta më e mirë e mundshme.
Raporti Botër i Lumturisë 2025 e rendit Finlandën si vendin më të lumtur në botë për të tetin vit radhazi, teksa SHBA-ja dhe Britania e Madhe kanë rënë më poshtë në listë.
Raporti ka matur besimin te njerëzit që u udhëzuan të humbin qëllimshëm portofoliot, për të parë se sa prej tyre do të ktheheshin dhe për ta krahasuar me atë se sa njerëz mendonin se ato do të dorëzoheshin.
Numri i portofoliove të kthyera ishte pothuajse dy herë më e lartë se sa parashikonin njerëzit dhe studimi, i cili ka mbledhur prova nga e gjithë bota, ka zbuluar se besimi në mirësinë e të tjerëve ishte më i lidhur me lumturinë sesa mendohej më parë, raporton BBC.
John F. Helliwell, një ekonomist në Universitetin e Kolumbisë Britanike dhe një redaktor i raportit, ka thënë se të dhënat e eksperimentit të portofolit treguan se “njerëzit janë shumë më të lumtur duke jetuar aty ku mendojnë se njerëzit kujdesen për njëri-tjetrin”.
Ai ka shtuar se studimi tregon se njerëzit ishin “gjithkund tepër pesimistë”, pasi janë kthyer më shumë portofolio sesa parashikohej.
Finlanda përsëri ka zënë vendin e parë me një rezultat mesatar prej 7.736 nga 10, ndërsa Kosta Rika dhe Meksika kanë hyrë në top 10 për herë të parë.
Si Britania e Madhe ashtu edhe SHBA-ja kanë rënë në listë në vendin e 23-të dhe 24-të respektivisht – pozicioni më i ulët ndonjëherë për këtë të fundit.
Top 10 shtetet më të lumtura janë:
1. Finlanda
2. Danimarka
3. Islanda
4. Suedia
5. Holanda
6. Kosta Rika
7. Norvegjia
8. Izraeli
9. Luksemburgu
10. Meksika
Raporti Botëror i Lumturisë 2025 ka gjetur gjithashtu se ndarja e vakteve me të tjerët ishte e lidhur fort me mirëqenien në mbarë globin, dhe se madhësia e familjes ishte e lidhur ngushtë me lumturinë, me katër deri në pesë njerëz që jetonin së bashku duke shijuar nivelet më të larta të lumturisë në Meksikë dhe Evropë./Katror.info
Përgatiti:
