Biznesmeni nga Kosova Shkumbin Muçolli, pati nderin dhe kënaqësinë ta bart flakën olimpike në Lojërat Olimpike 2024 në Paris.
“Pak kush ka mundësinë dhe privilegjin që para Lojërave Olimpike të bart flakën olimpike. Një mundësi e tillë i është dhënë Shkumbin Muçollit, biznesmenit nga Kosova, i cili dje barti flakën në rrugët e Parisit”, thuhet në njoftimin e Komitetit Olimpik të Kosovës.
Shkumbin Muçolli u përzgjodh mes 100 mijë aplikuesve nga Komiteti Olimpik Ndërkombëtar, për shkak edhe të influencës që ka në botën e biznesit dhe kompanive të mëdha që ka me Burger King dhe Coca Cola.
Mundesh me e lexu edhe...
“Është ndjenjë e jashtëzakonshme të bartësh flakën olimpike për 200 metra në rrugët e Parisit. Është diçka që e ke paramenduar që si fëmijë dhe që u bë realitet. Jam mëse krenar që një kompani nga Kosova futet në përzgjedhje të tilla dhe renditemi në nivele ndërkombëtare”, u shpreh Muçolli për KOK-un.
“Ai është CEO i kompanisë nga Kosova, e cila ka të drejtat e zhvillimit të brendit Burger King Kosova, kompani kjo që ishte edhe partnere e KOK-ut në rrugëtimin drejt LO Paris 2024“, thuhet tutje në njoftimin e Komitetit Olimpik të Kosovës./Katror.info
Përgatiti:
