Komisioni Qendror i Zgjedhjeve (KQZ) ka njoftuar se ka përfunduar numërimin e votave të ardhura me postë dhe ka publikuar rezultatet përfundimtare të këtij procesi.
“Në Qendrën e Numërimit dhe Rezultateve është përmbyllur numërimi i fletëvotimeve nga votimi me postë jashtë Kosovës. Të martën, më 4 mars, në orën 16:00, në këtë qendër janë numëruar 187 kutitë e votimit në të cilat ishin të ndara fletëvotimet nga komuna të ndryshme të cilat i takojnë votuesit e regjistruar për votim nga jashtë vendit”, thuhet në njoftim.
Sipas përditësimit të fundit nga KQZ, Lëvizja Vetëvendosje (LVV) kryeson me 51.57% të votave të numëruara, që përkthehet në 31,963 vota.
Mundesh me e lexu edhe…
Lidhja Demokratike e Kosovës (LDK) renditet në vendin e dytë me 30.55% të votave, që përkthehet në 18,933 vota.
Partia Demokratike e Kosovës (PDK) ka siguruar 9.48% të votave me postë, duke grumbulluar gjithsej 5,878 vota.
Ndërkohë, Aleanca për Ardhmërinë e Kosovës (AAK) ka marrë 3.23% të votave, ose 2,000 vota.
Gjithashtu, sipas njoftimit, KQZ bëri të ditur se numërimi i votave ende po vazhdon, dhe se procesi i numërimit është transparent dhe po zhvillohet në prezencë të vëzhguesve të akredituar.
“Aktualisht, në Qendrën e Numërimit dhe Rezultateve ende po vazhdon numërimi i votave nga votimi me kusht, i zhvilluar në 56 vendvotime të ndryshme në Republikën e Kosovës”, thuhet në njoftim.
Rezultatet mund t’i gjeni këtu./Katror.info
Përgatiti:
