Komisioni Qendror i Zgjedhjeve ka miratuar dizajnin dhe përmbajtjen e fletëvotimeve për Zgjedhjet për Kuvendin e Republikës së Kosovës 2025.
Por, në mbledhjen e KQZ-së nuk ka kaluar rekomandimi për ndarjen e mjeteve për subjektet politike, raporton Ekonomia Online.
Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala ka thënë se zyra ka analizuar këtë rekomandim ku prej datës 1 deri 9 janar të ndahet mjetet për subjektet politike.
Mundesh me e lexu edhe…
“Gjithsej 14 subjekte politike përfitojnë, zyra rekomandon KQZ-në të bëjë ndarjen e buxhetit për dy muaj, zyra e ka analizuar edhe aktet tjera ligjore ku shuma prej 10 për qind për grupet parlamentare rekomandon me nda prej datës 1 janar deri në 9 janar. Lidhur më këtë zyra rekomandon që mjetet të ndahen nga fondi,” ka thënë Buzhala.
Në bazë të rekomandimit subjektet politike që do të përfitonin sipas Buzhalës janë:
- Lëvizja Vetëvendosje– 353,898.31 euro;
- Partia Demokratike e Kosovës (PDK) – 115,932.20 euro,
- Lidhja Demokratike e Kosovës (LDK) – 91,525.42 euro;
- SRPSKA LISTA – 54,915.25 euro;
- Aleanca për Ardhmërinë e Kosovës (AAK) – 48,813.56 euro;
- KOSOVA DEMOKRATİK TÜRK PARTİSİ – 12,203.39 euro, etj.
Anëtari i KQZ-së, Alban Krasniqi ka rekomanduar që shuma e cila ndahet për secilin subjekt politik të jetë e ndarë e jo si shumë totale.
“Edhe pse mund të rekomandon që Kuvendi nuk është aktiv në punën e tij shuma e secilit subjekt duhet të jetë në përputhje siç e sheh ligji. Si shumë nuk mendoj që zyra ka të drejtën me ndal shumën një subjekti. Totali i asaj shumë i takon subjekteve politike, ky rekomandim apo miratimi të jetë i veçantë për secilin objekt politikë dhe jo në përgjithësi”, ka thënë Krasniqi.
Ndryshe, më 9 janar nis procesi i votimit për votuesit e regjistruar jashtë Kosovës.
“Pasi KQZ të miratojë fletëvotimin e zgjedhjeve, më 9 janar do të fillojë procesi i votimit jashtë Kosovës për votuesit e regjistruar për të votuar përmes postës”, tha Valmir Elezi, zëdhënës i KQZ-së.
Gjithashtu, Elezi ka theksuar se miratimi i fletëvotimit mund t’iu shërbejë edhe subjekteve politike gjatë fushatës zgjedhore, e cila fillon zyrtarisht më 11 janar./Katror.info
Përgatiti:
