Filmi “Krejt e thirrin Rexhën”, me regji të Ibër Dearit, do ta ketë premierën e tij ndërkombëtare më 9 gusht në “Ljetno Kino Supetar” në Kroaci, në kuadër të edicionit të sivjetmë të Brač Film Festival.
Lajmin e ka bërë të ditur vetë regjisori përmes një postimi në Facebook, duke konfirmuar se filmi do të shfaqet në orën 21:00 në ambientin veror të kinemasë në Supetar.
Në rolet kryesore të filmit luajnë aktorët e njohur Afrim Muçaj dhe Adriana Matoshi, ndërsa historia që sjell filmi është një rrëfim i veçantë që eksploron temën e migrimit, një temë me rëndësi të madhe për shoqërinë kosovare dhe më gjerë.
Mundesh me e lexu edhe…
Pjesë e kastës janë edhe aktorët Ledion Mulaku, Adem Karaga, Mirsad Abazi, Bereda Reshit, Bujar Ahmeti, Labinot Raci, Adrian Aziri, Daniela Markaj dhe Sara Bajrami.
Filmi pritet të ngjallë interes të madh tek publiku kroat dhe ndërkombëtar, duke prezantuar një perspektivë autentike nga kinematografia kosovare./Katror.info
