Barcelona, për shkak të krizës ekonomike, ka vendosur të nxjerrë në ankand disa pjesë të historisë së saj, duke shfrytëzuar objekte me vlerë simbolike dhe kuptim të veçantë, shkruan RTSH.
Kjo nismë është pjesë e një plani për të gjeneruar të ardhura nga burime “alternative” dhe ka lidhje me “kujtimet” dhe “relikat” që janë pjesë e stadiumit legjendar Camp Nou, i cili është në fazën e fundit të rindërtimit.
Ankandi do të zhvillohet në platformën Goldin dhe do të nisë më 23 janar në orën 10:00, duke përfunduar më 13 shkurt në orën 4:00. Artikujt që do të nxirren në ankand përfshijnë dollapët e përdorur nga lojtarët e famshëm, pikat e penalltisë, flamujt e këndit dhe stemat e klubit që ishin vendosur para bankinave. Gjithashtu, do të jenë në dispozicion fotografi të skuadrave që fituan pesë tituj të Ligës së Kampionëve, përfshirë periudhat 1991-92, 2005-06, 2008-09, 2010-11 dhe 2014-15, si dhe objekte nga dhomat e zhveshjes dhe tuneli i stadiumit.
Mundesh me e lexu edhe…
Vlera e objekteve që do të shiten në ankand është rreth 1 milion euro, bazuar në çmimet fillestare. Disa shembuj përfshijnë dollapin e Lionel Messit, për të cilin duhet të ofrohen të paktën 350,000 dollarë. Dollapët e përdorur nga lojtarë të tjerë të famshëm si Diego Maradona, Pep Guardiola, Gerard Piqué, dhe Ronaldinho kanë çmime fillestare nga 100,000 dollarë secili, ndërsa dollapi i Ousmane Dembélé, aktualisht në PSG, ka një çmim fillestar prej 2,500 dollarësh./Katror.info
Përgatiti:
