Nga 1 janari 2025, qytetarët e Prishtinës kanë një sistem të ri dhe të unifikuar të transportit publik urban, me bileta të integruara që vlejnë për të gjitha linjat, duke përfshirë operatorët privatë që tani operojnë me kushte të njëjta si Trafiku Urban.
Kështu ka njoftuar kryetari i Prishtinës, Përparim Rama, në rrjetin e tij social, Facebook.
”Qytetarët e Kryeqytetit tani kanë sistem të unifikuar të transportit publik urban, me bileta të integruara ditore, javore dhe mujore për të gjitha linjat”, ka shkruar Rama.
Mundesh me e lexu edhe…
Çmimet e biletave të reja janë:
– 0.50€ për një udhëtim të vetëm.
-0.80€ për biletën ditore, e vlefshme për të gjitha linjat.
– 4€ për biletën javore.
– 12€ për biletën mujore për studentë.
– 14€ për biletën mujore për punëtorë.
Kush përfiton udhëtime falas?
Në kuadër të këtij sistemi të ri, disa kategori qytetarësh janë liruar nga pagesa:
-Pensionistët
– Policia
– Forca e Sigurisë së Kosovës (FSK)
– Veteranët
– Zjarrfikësit
– Personat me aftësi të kufizuara
-Nxënësit e shkollave fillore
Sipas Ramës, kjo reformë moderne synon ta bëjë transportin publik më efikas, të qasshëm dhe të drejtë për të gjithë qytetarët e kryeqytetit. /Katror.info
Përgatiti:
