Nga 7 deri më 11 dhjetor, e gjithë vëmendja e basketbollit do të jetë në Prishtinë.
Super spektakël është premtuar për Superkupën e Kosovës në basketboll. Të mërkurën u nënshkru marrëveshja ndërmjet Federatës së Basketbollit të Kosovës (FBK) dhe Klubit të Sigal Prishtinës për organizimin e Superkupës.
Lajmi u bë i ditur nga bordi i FBK. Kryetari i federatës, Arben Fetahu është shprehur se janë të gatshëm për të organizuar edhe një ngjarje madhore në basketbollin e Kosovës.
Mundesh me e lexu edhe...
Është një prej aktiviteteve kryesore që organizon Federata e Basketbollit e Kosovës. Shpresoj, por edhe besoj se do të kemi spektakël sportiv dhe të basketbollit në Prishtinë dhe ajo që e veçon këtë aktivitet është se lejohen edhe shikuesit mysafirë. Pra, palestra në Prishtinë do të jetë e mbushur me tifozë nga e gjithë Kosova dhe normalisht se jemi të lumtur. Synimi është të krijohet një kulturë, kulturë e sportit dhe për të gjithë komunitetin”
është shprehur Fetahu në konferencën për media.
Ndërkohë, kryetari i KB Sigal Prishtinës, Blerand Stavileci, ka premtuar spektakël për Superkupë, ndërsa bardhekaltrit veçohen për organizime.
Jam shumë i lumtur që basketbolli po ka shikueshmëri në të gjitha palestrat në Kosovë dhe po ka një super organizim në të gjitha vendet. Është krijuar një kulturë që po i tejkalon kufijtë e sportit dhe normalisht për këtë jemi shumë të lumtur. Interesimi është rritur për basketboll dhe kjo dëshmon për punën e mirë që po bëhet në Federatë dhe në klube. Sa i përket organizimit, besoj se do të jetë diçka me të cilin do të krenohet e gjithë Kosova. Do të jetë argëtim, spektakël dhe festë, por edhe spektakël i paparë deri më tani”
tha Stavileci.
Në këtë garë do të marrin pjesë të gjitha klubet e elitës, ku priten sfida interesante./Katror.info
Përgatiti:
