Emocionet e basketbollit tonë vazhdojnë këtë mesjavë me gjysmëfinalet e Kupës.
Gjysmëfinalet e kësaj garë joshëse pritet të dhurojnë spektakël të basketbollit, ku katër skuadra duan kualifikimin në finalen e madhe, shkruan RTK.
Gjysmëfinalet që nisin nesër do të zhvillohen me sistemin vajtje-ardhje dhe kush është më e mirë në dy takimet, kualifikohet në finale.
Mundesh me e lexu edhe…
Gjysmëfinalja e parë do të zhvillohet mes skuadrave rivale, Sigal Prishtinës dhe Trepçës, ku pritet një super sfidë në Palestrën “1 Tetori”.
Dy skuadrat kanë traditë në basketbollin e Kosovës dhe do të luftojnë për fitoren në ndeshjen e parë, që është shumë e rëndësishme. Prishtinasit në çerekfinale eliminuan Pejën, derisa mitrovicasit skuadrën e Proton Cable Prizrenit. Në Superligë të dy skuadrat kanë nga një fitore ndaj njëra-tjetrës.
Gjysmëfinalja tjetër po ashtu pritet të jetë mjaft interesante mes Vëllaznimit dhe Bashkimit në Gjakovë. Këto dy skuadra u përballën të dielën në Prizren, ndeshje që përfundoi me fitoren e vendasve 84:73, ndërsa në dy takimet tjera në elitë, dy skuadrat kishin nga një fitore ndaj njëra-tjetrës. Kuqezinjtë në çerekfinale eliminuan Golden Eagle Yllin, ndërsa prizrenasit eliminuan Borën.
KUPA E KOSOVËS (GJYSMËFINALET)
E mërkurë
19:00 Sigal Prishtina – Trepça
19:00 Vëllaznimi – Bashkimi.
/Katror.info
Përgatiti:
