Komiteti Ekzekutiv i FFK-së ka mbajtur dje mbledhjen e radhës, në të cilën është diskutuar për çështje të ndryshme me rëndësi për futbollin kosovar si dhe për ecurinë e përgatitjeve për edicionin e ri të garave.
Në këtë mbledhje ndër çështjet kryesore që u diskutuan ishte zgjedhja e ekipit të trajnerëve që do ta drejtojnë Kombëtaren e Kosovës në ndeshjet e mbetura të ciklit kualifikues për Euro 2024.
Kësisoj, pas diskutimeve të arsyeshme, KE i FFK-së vendosi që në krye të shtabit teknik të emërohet Primozh Gliha, derisa atij do t’i ndihmojnë Afrim Tovërlani, Arbnor Morina, Ahmet Beselica dhe Thomas Richards.
Mundesh me e lexu edhe…
KE i FFK-së ka vendosur që t’ia besojë drejtimin e Dardanëve ekipit të brendshëm të trajnerëve që tashmë janë të angazhuar në ekipet kombëtare.
Ata njëherësh do të qëndrojnë në ekipet e grupmoshave që i drejtojnë, por do të jenë të angazhuar për të ndihmuar përzgjedhësin Gliha në Kombëtaren A.
Primož Gliha ka lindur më 8 tetor 1967. Ai është menaxher profesionist slloven i futbollit dhe ish-lojtar.
Më 3 qershor 1992, Gliha bëri debutimin e tij me Slloveninë në një ndeshje miqësore kundër Estonisë pasi u emërua në formacionin fillestar.
Më 8 shkurt 1994, ai shënoi golin e tij të parë për Slloveninë në paraqitjen e tij të tretë në një fitore 1–0 në shtëpi ndaj Gjeorgjisë. Gliha gjithashtu shënoi një hat-trick më 2 prill 1997 në një barazim 3–3 kundër Kroacisë në kualifikimet e Kupës së Botës FIFA 1998.
Ndeshja e tij e fundit ndërkombëtare ishte më 14 tetor 1998 kundër Letonisë në Maribor./Katror.info
Përgatiti:
