Udhëtimi nuk është vetëm koha që duhet për të arritur në destinacion, por mund të jetë një përvojë më vete.
Dhe pikërisht kështu është udhëtimi me tren në Britaninë e Madhe. British Pullman është një tren i specializuar për udhëtime ditore luksoze, i preferuari i familjes mbretërore dhe me sharmin dhe frymën e tij tradicionale, do t’ju çojë menjëherë në disa nga botët më të bukura të Wes Anderson, regjisorit të famshëm amerikan të filmit që projektoi karrocat e tij!
Çdo karrocë e Pullman ka historinë e saj të veçantë, ndaj nuk është për t’u habitur që ky tren ka shërbyer edhe si një set për filma të shumtë me fokus ngjarjet emocionuese historike të shekullit të 20-të. Audrey, Vera dhe Minerva janë vetëm disa nga vagonët që ruajnë traditën të mbështjellë me rroba të reja. Ky tren ka personalitet, karakter dhe autenticitet, të cilin patjetër duam ta përjetojmë. Wes Anderson, në bashkëpunim me kompaninë britanike Belmond, është përgjegjës për dekorimin deri në detajet më të vogla që mund të shohim vetëm në filmat e tij, shkruan Katror.info.
Mundesh me e lexu edhe…
Ky regjisor është specifik për stilin e tij autentik, imagjinativ, gati të animuar, i cili është plot ngjyra e forma dhe personazhe që duket se kanë dalë nga një përrallë. Pikërisht kështu mund ta përshkruajmë brendësinë e këtij treni. Karriget e veshura, mbulesat e tavolinës të qëndisura, enët me cilësi të lartë, perdet dhe arti i mureve do t’ju bëjnë të ndiheni sikur po udhëtoni pas në kohë.
Vagoni Cygnus, i ndërtuar në vitet 1950, ka një rol të madh historik dhe kinematografik, pasi në vitin 1972 u xhirua filmi Agatha me Dustin Hoffman dhe Vanessa Redgrave. Me detaje rozë pastel në tavan dhe tone të ndryshme të gjelbra në tapete dhe karrige, Cygnus në shikim të parë duket sikur sapo keni hyrë në një nga setet e regjisorit. Është disajnuar për të ruajtur në mënyrë të përsosur një moment historik me një kthesë moderne Andersoniane.
Përveç interierit të bukur, ajo që e bën të veçantë Pullmanin britanik janë vendet unike përreth Britanisë së Madhe që mund t’i përjetoni gjatë udhëtimit me këtë tren. Pamja nga dritarja ju çon në qytetet piktoreske, kështjellat e lashta angleze, shtëpitë madhështore dhe natyrën mahnitëse. Vendet e preferuara të udhëtarëve përfshijnë xhevahiret historike të Bath, York dhe Canterbury. Ndjehuni si mbretër ndërsa eksploroni Pallatin Blenheim ose Sandringham. Vizitoni ngjarje të tilla si Chelsea Flower Show ose Royal Ascot. Eksploroni Britaninë e Madhe në një mënyrë vërtet të veçantë dhe siguroni vetes një ikje nga përditshmëria moderne dhe stresuese.
E gjithë oferta në tren është e cilësisë së lartë. Nga çajrat dhe ëmbëlsirat më të mira angleze deri te dreka dhe darka gustatore me një kuzhinier të famshëm që do të përgatisë specialitetet më të mira. Mund të zgjidhni të udhëtoni në ndarje ose me ndenjëse klasike. I gjithë treni është një vepër e vërtetë arti dhe ju bëheni pjesë e tij duke udhëtuar./Katror.info
Përgatiti:
