Lamborghini do të festojë një tjetër ditëlindje të rrumbullakët me një makinë të veçantë.
Ashtu si në vitin 2013, me rastin e ditëlindjes së saj të 50-të, kishte një makinë të përgatitur posaçërisht bazuar në Gallardo me emrin Egoista, tani me rastin e 60 vjetorit, ajo bazohet në pasardhësin e saj – modelin Huracan. Dhe për t’i shijuar gjërat edhe më shumë, ata zgjodhën versionin Sterrato, me të cilin pronari mund të lëvizë edhe jashtë rrugës në terrene më të vështira, shkruan Katror.info.
Emri i modelit festues është Opera Unica dhe është firmosur nga departamenti Ad Personam i Lamborghini. E veçanta e kësaj makine është pamja e jashtme, pra mënyra e lyerjes së saj, e cila gjen frymëzim në rajonin e Sardinisë, në ngjyrën e kaltër e detit të saj, por edhe hapësirat e qiellit.
Mundesh me e lexu edhe...
Është një llak me tre shtresa i bërë me dorë, përfundimi i të cilit përpiqet të ndjekë efektin kristalor të lëngut të ngrirë. Shtresa e parë e ngjyrës është Blue Amnis, më pas u aplikua nuanca Blue Grifo dhe në fund u zgjodh nuanca Blue Phaedra për efektin përfundimtar. Në total u deshën 370 orë pune për të lyer këtë Lamborghini të veçantë.
Dhe kjo nuk është e tëra, pasi çatia, pragjet dhe parafangat marrin një ngjyrë të zezë mat, dhe rrotat 19 inç janë gjithashtu të zbukuruara në të njëjtën hije. Në kabinë, megjithatë, theksi vihet tek karboni i zhveshur, i kombinuar me lëkurën në të njëjtën nuancë të kaltër të quajtur Blu Delphinus.
Dhe tani një befasi e veçantë. Edhe pse Egoista nuk ishte në shitje, ky Huracan ka të ngjarë të gjejë rrugën e tij deri te blersëi, ndoshta në ankand, dhe të jetë pjesë e serisë Sterrata me 1499 njësi. /Katror.info
Përgatiti:
