Lëvizja qytetare “Asnji cent ma shumë” ka thirrur sërish protestë për nesër në orën 12:00, në sheshin “Zahir Pajaziti” në Prishtinë, shkruan Katror.info.
Protesta mbahet për të kundërshtuar vendimin e fundit të Zyrës së Rregullatorit të Energjisë për rritje të tarifave të rrymës nga 1 maji, në lartësinë prej 15 për qind.
Drejtori i ZRrE-së, Petrit Pepaj, ditë më parë deklaroi se shkaktari kryesor i kësaj rritjeje është çmimi që ka ndodhur në bursat e energjisë elektrike.
Mundesh me e lexu edhe…
Kujtojmë se në Prishtinë më 05.04.2025 është mbajtur një protestë qytetare kundër propozimit për shtrenjtimin e rrymës për 15%, vendim i cili është paralajmëruar nga Zyra e Rregullatorit të Energjisë (ZRRE).
Protesta, e thirrur nga lëvizja qytetare “Asnji cent ma shumë”, ka mbledhur një numër të madh qytetarësh.
“Jo më padrejtësi në emër të energjisë !”, “Ndal varfërimit të qytetarëve!”, “S’ka dritë me padrejtësi”, “Qeveri, a je me qytetarët apo me monopolin?”… shkruante në pankartat që mbanin në duar protestuesit./Katror.info
Përgatiti:
