Lewis Capaldi ka thyer heshtjen dhe ka folur hapur për rikthimin e tij prekës në skenën e Glastonbury, pas një pauze dyvjeçare nga muzika, shkruan The Sun, përcjell Katror.info.
Këngëtari skocez, 28 vjeç, ishte tërhequr nga jeta publike për të pushuar dhe për të përballuar presionin që po e rëndonte gjithnjë e më shumë. Por tani, ai është rikthyer më i fortë se kurrë dhe ka shpallur datat e reja të turneut në Mbretëri të Bashkuar dhe Irlandë.
Në një video prekëse të publikuar në rrjetet sociale, Capaldi rrëfen ndjenjat e tij të vërteta rreth përjetimeve që pati në Glastonbury 2023, kur po kalonte një periudhë të vështirë.
Mundesh me e lexu edhe...
Duke folur me zemër të hapur, ai tha:
“Një fjalë që përshkruan si ndjehem tani është… spektakolare.”
Teksa kujtonte performancën e tij në Glastonbury dy vite më parë, ai shtoi:
“Kjo do të duhej të ishte një kohë e lumtur për mua, por nuk ishte.”
“Është si në një film ku një fëmijë ëndërron të bëhet këngëtar, e pastaj arrin t’i realizojë ëndrrat dhe performon para mijëra njerëzve. Por për mua, kur arrita në fund të atij ‘filmi’, nuk ishte siç e kisha imagjinuar.”
“Isha në skenë, të gjithë po këndonin me mua… por ndihesha sikur isha një mijë milje larg. Edhe tani kur e shikoj atë performancë, ndjej trishtim.”
Ai zbuloi gjithashtu se gjatë këngës së dytë në atë performancë, kishte menduar:
“Ka ardhur fundi për mua… nuk mund ta bëj më këtë gjë me veten time.”
Pavarësisht kësaj periudhe të errët, rikthimi i Capaldit në Glastonbury këtë fundjavë u prit me shumë emocion dhe dashuri nga fansat, duke treguar se artisti është gati të vazhdojë përpara, këtë herë me më shumë vetëdije dhe mirëqenie personale. /Katror.info
Përgatiti:
