Aktori i njohur, Liam Neeson, ka thënë se do të pensionohet nga filmat aksion.
72 vjeçi, i cili e ka filluar karrierën në skenën e teatrit Belfast, ka konfirmuar se po largohet nga aktrimi pas një karriere të bujshme me role në filma e njohur si “Taken”, “Star Wars” dhe “The Grey”, përcjell Koha.net.
Ai ka pranuar se fiziku i është dobësuar duke thënë se është koha që të tërhiqet nga aktrimi nëpër filma aksion ku shpesh i duhet të bëjë akrobacione.
Mundesh me e lexu edhe…
“Jam 72 vjeç, duhet të ndalojë në ndonjë fazë të caktuar. Nuk mund ta mashtrosh audiencën. Nuk dua që Mark (dubleri i tij akrobat Mark Vanselow) të luftojë nëpër skena të ndryshme për mua”, ka thënë Neeson për revistën People.
Filmi “Taken” kishte bërë bujë kur u lansua në janar të vitit 2009. Aty, Neeson që luan në rolin e Bryan Millsit, përballet me bandat shqiptare me rrënjë nga Tropoja, të cilët i rrëmbejnë vajzën në Paris. Në këtë film kanë luajtur edhe dy aktorët shqiptarë Arben Bajraktaraj dhe Luran Ahmeti.
Ndërkohë që nuk ka cekur datën e saktë kur do të luajë filmin e fundit, aktori ka bërë të ditur se pensionimi mund të ndodhë në vitin 2025.
“Ndoshta rreth fundit të vitit të ardhshëm. Mendoj se deri aty mjafton”, ka shtuar ai.
Filmi i tij i radhës, “Absolution”, i cili do të lansohet më 1 nëntor, paraqet një gangster në moshë, i cili mundohet të rindërtojë lidhjen me fëmijët e tij dhe të pranojë gabimet që ka bërë.
Neeson së fundmi ka mbaruar xhirimet e rizhvillimit të komedisë “The Naked Gun”.
Ylli u bë i famshëm në vitin 1978 pasi luajti në filmin “Pilgrim’s Progress” dhe karriera e tij u bë edhe më e bujshme pasi luajti në filmin “Schindler’s List”, performancë kjo që i siguroi nominim për çmimin “aktori më i mirë” në ceremoninë e çmimeve “Oscar”, kur ishte 41-vjeçar.
Në vitin 1999 ai luajti në “Star Wars”, pas së cilit karriera e tij mori një kthesë kah filmat aksion, duke marrë role nëpër filma si “Bartman Begins” dhe “Taken”, rol ky që e vendosi në një epokë të re të karrierës duke vulosur reputacionin e tij si aktor i filmave aksion.
Pas filmit “Schinder’s List” ai u njoftua me gruan e tij, Natasha Richardson, me të cilën u martua në vititn 1994 dhe ishin bashkë derisa ajo vdiq në moshën 45 vjeçe në vitin 2009.
Neeson, për revistën Rolling Stone, pati treguar se gruaja e tij i ka thënë se nëse do të merrte rol në filmat 007, nuk do të martoheshin.
“’Liam, dua të të tregoj diçka: Nëse e luan James Bondin, nuk do të martohemi’. Më ka dhënë një ultimatum prej James Bondi dhe e kishte përnjëmend. E dimë që ka vajza shumë të bukura nëpër të gjithë botën që hyjnë e dalin nga shtrati. Jam i sigurt që ky vendim i saj ishte i bazuar në këtë fakt”, pati thënë aktori.
Në fund roli iu dha aktorit Pierce Brosnan, i cili debutoi si 007-shi në filmin “Goldeneye” në vitin 1995./Katror.info
Përgatiti:
